മനസ്സിലെ മാലിന്യങ്ങൾ യോഗ കൊണ്ട് നീക്കാം

അവതാരിക

-  ജോയ് വാഴയിൽ

എന്താണ് യോഗ? അത് മതാനുഷ്ഠാനപരമായ ഒരു സാധനയാണോ? യോഗയും ഈശ്വരാരാധനയും തമ്മിൽ അഭേദ്യമായ ബന്ധമുണ്ടോ? ഇവയെല്ലാം യോഗ പരിശീലിച്ചവർക്കു പോലും വ്യക്തമായ ധാരണ ഇല്ലാത്ത ചോദ്യങ്ങളാണ്. യോഗയുടെ അടിസ്ഥാനലക്ഷ്യവും സങ്കൽപ്പങ്ങളും പ്രയോഗരീതികളും, സ്വന്തം ഗുരുവിൽ നിന്നും ദീർഘകാലത്തെ പരിശീലനത്തിൽ നിന്നും ഗവേഷണ ങ്ങളിൽ നിന്നും സ്വായത്തമാക്കിയ ശ്രീ എം ഇത്തരം ചോദ്യങ്ങൾക്കു യോഗ നിരീശ്വരർക്കും' എന്ന ഈ കൃതിയിൽ വ്യക്തമായ ഉത്തരങ്ങൾ നൽ കുന്നു. അന്താരാഷ്ട്രതലത്തിൽ യോഗ പ്രചുര പ്രചാരം നേടിയിരിക്കുന്ന ഈ കാലഘട്ടത്തിൽ അതേക്കുറിച്ചുള്ള ശരിയായ ധാരണ ഭാരതീയ പഠിതാക്കൾക്കും പ്രയോക്താക്കൾക്കും പ്രദാനം ചെയ്യേണ്ടത് ആവശ്യവും ഈ കൃതി ആയതിന് അത്യന്തം സഹായകവുമാണ്.

യോഗേന ചിത്തസ്യ പദേന വാചാം
മലം ശരീരസ്യ ച വൈദ്യകേനാ
യോളപാകരോത്തം പ്രവരം മുനീനാം
പതഞ്ജലിം പ്രാഞ്ജലി-രാനതോസ്മി.