റിയൽ എസ്റ്റേറ്റ് നിക്ഷേപം ചെറിയ തുകയ്ക്കും

ഓഹരി, സ്വർണം, കടപ്പത്രങ്ങൾ, സ്ഥിരനിക്ഷേപങ്ങൾ എന്നിവ യ്ക്കൊപ്പം REITകളേയും പരിഗണിക്കാം.

- സുമ സണ്ണി

ഭൂമിയിൽ അഥവാ റിയൽ എസ്റ്റേറ്റിൽ നിക്ഷേപിക്കണമെന്ന് സാധാരണക്കാർക്കു പൊതുവേ ആഗ്രഹമുണ്ടെങ്കിലും വലിയ തുക വേണം എന്നതിനാൽ പലപ്പോഴും അതു സാധിക്കാറില്ല. നോക്കി നടത്താനുള്ള തലവേദനകൾ പരിഗണിച്ചും പലരും റിയൽ എസ്റ്റേറ്റ് നിക്ഷേപം വേണ്ടെന്നുവയ്ക്കുന്നു.

എന്നാൽ കുറഞ്ഞ തുകയ്ക്ക് ചിട്ടയായി റിയൽ എസ്റ്റേറ്റ് നിക്ഷേപം നടത്താൻ സാധിച്ചാലോ? അതിനുള്ള അവസരമാണ് റിയൽ എസ്റ്റേറ്റ് ഇൻവെസ്റ്റ്മെന്റ് ട്രസ്റ്റുകൾ (REIT) ഒരുക്കുന്നത്.

2025 ഓഗസ്റ്റിലെ കണക്കുപ്രകാരം ഏകദേശം 18 ബില്യൻ ഡോളർ വിപണി മൂലധനമുണ്ട് ഇന്ത്യൻ റിയൽ എസ്റ്റേറ്റ് ഇൻവെസ്റ്റ്മെന്റ് ട്രസ്റ്റ് വ്യവസായ ത്തിന് 4 വർഷത്തിനുള്ളിൽ ഇതു 25 ബില്യൻ ഡോള റിലെത്തുമെന്നാണു റിപ്പോർട്ട്. എങ്കിൽ നമുക്കും ഇതിൽ ഒരു കൈ നോക്കാം എന്നു തോന്നുന്നുണ്ടോ? എങ്കിൽ കൂടുതൽ അറിയാം.

എന്താണ് ഈ ട്രസ്റ്റുകൾ?

ഓഫിസ് സ്പെയ്സ് ഷോപ്പിങ് മാൾ തുടങ്ങിയ ഉയർന്ന നിലവാരമുള്ള വാണിജ്യ പ്രോപ്പർട്ടികളിൽ നിക്ഷേപിക്കുന്നതിനുള്ള മികച്ച മാർഗമാണ് റിയൽ എസ്റ്റേറ്റ്ഇൻവെസ്റ്റ്മെന്റ് ട്രസ്റ്റുകൾ. വലിയ സ്ഥാപനങ്ങൾക്കും സമ്പന്നർക്കും മാത്രം ലഭ്യമായിരുന്ന പ്രീമിയം റിയൽ എസ്റ്റേറ്റ് പ്രോപ്പർട്ടികളിൽ നിക്ഷേപിക്കാൻ ചെറുകി ടക്കാർക്ക് ഇവ അവസരം ലഭ്യമാക്കുന്നു.