ജിഎസ്ടി ലാഭത്താക്കോൽ അവിടിരിക്കട്ടെ

സമ്പാദ്യോത്സവമല്ല. വ്യാപാരോത്സവമാണ് ഉണ്ടാകാൻ പോകുന്നത്. പുതിയ ചെലവ്. പുതിയ ഇഎംഐ. കണ്ടതെല്ലാം വാങ്ങിക്കൂട്ടും. നികുതി കുറഞ്ഞതോടെ വില കുറയും. അതോടെ വിൽപനയും പതിന്മടങ്ങാകും.

- കെ.കെ.ജയകുമാർ പ്രമുഖ ഫിനാൻഷ്യൽ ജേണലിസ്റ്റും ഇൻഫർമേഷൻ പബ്ലിക് റിലേഷൻസ് വകുപ്പിൽ ഉദ്യോഗസ്ഥനുമാണ് ലേഖകൻ jayakumarkk@gmail.​com

മോഹൻലാലിന് ദാദാസാഹിബ് ഫാൽക്കെ അവാർഡ് പ്രഖ്യാപിച്ച ദിവസം രാത്രിഭക്ഷണത്തിനുശേഷം ടിവിയിൽ കാക്കക്കുയിൽ സിനിമ കണ്ടു കൊണ്ടിരിക്കുകയായിരുന്നു, അപ്പോഴാണ് എഡിറ്ററുടെ ഫോൺ. ഈ ലക്കത്തിൽ ജിഎസ്ടി നിരക്ക് കുറച്ചതു മൂലമുള്ള ലാഭത്തെക്കുറിച്ച് ഒരു ലേഖനം വേണം. നികുതിനിരക്ക് കുറവുമൂലം ഇടത്തരക്കാരുടെ കുടുംബബജറ്റിലുണ്ടാകുന്ന ലാഭം വിവിധ മാർഗങ്ങളിൽ നിക്ഷേപിക്കുന്നതിനെക്കുറിച്ചായാൽ ഉത്തമം. വണ്ടർഫുൾ ഐഡിയ.