ഫ്രാഞ്ചൈസി ബിസിനസിലൂടെ മികച്ച വരുമാനം നേടുന്ന സംരംഭക

തിരക്കേറുന്ന ലോകത്ത് ഏറെ സാധ്യതകളുള്ള ലോൺട്രി യൂണിറ്റിലൂടെ അനുരാധ ബാലാജി മാസം നേടുന്നത് ഒരു ലക്ഷത്തോളം രൂപയുടെ ലാഭം.

- chandran

വളരെ റിസ്ക് കുറഞ്ഞ രീതിയിൽ സ്വന്തമായി ബിസിനസ് സംരംഭം നടത്തി മാതൃക കാട്ടുകയാണ് അനുരാധ ബാലാജി, സാങ്കേതിക കാര്യങ്ങളെല്ലാം തന്നെ നിർവഹിച്ചു തരുന്ന Tumble Dry എന്ന പ്രശസ്തമായ ബാൻഡിന്റെ ഒരു ഫ്രഞ്ചസി അതേപേരിൽത്തന്നെ പാലക്കാട് ജില്ലയിലെ കുളുപ്പുള്ളിയിൽ നടത്തിവരികയാണ് അനുരാധ.

എന്താണ് ബിസിനസ്?

പൊതുസമൂഹത്തിന് ഏറെ ആവശ്യമുള്ള ലോൺട്രി യൂണിറ്റാണിത്. ഫ്രാഞ്ചൈസി വ്യവസ്ഥയിൽ നടത്തുന്നതുകൊണ്ടു റിസ്ക് വളരെ കുറവാണ്. ലോൺട്രിക്കു പുറമേ ഡക്ലീനിങ്, സ്റ്റീം അയണിങ്, ഷൂ ക്ലീനിങ്, ടോയ്സ് ക്ലീനിങ്, കർട്ടൻ, കമ്പിളി ക്ലീനിങ് എന്നിവയെല്ലാം ഏറ്റെടുത്തു ചെയ്യും. കസ്റ്റമർ ഏൽപിക്കുന്ന എല്ലാ സേവനങ്ങളും കൃത്യമായും മികവോടെയും ചെയ്തുകൊടുക്കുക വഴി നേടിയ അംഗീകാരം വളർച്ചയുറപ്പാക്കുന്നു.

ബിസിനസ് കുടുംബത്തിലെ വേറിട്ട സംരംഭം

ഒരു ബിസിനസ് കുടുംബമാണ് അനുരാധയുടേത്. ഭർത്താവ് ബാലാജി 10 വർഷമായി സേഫ്റ്റി എക്യുമെന്റുകളുടെ വിതരണം നടത്തുകയാണ്. ശ്രീ മുത്തപ്പൻ ലോട്ടറീസ്' എന്ന പേരിൽ ലോട്ടറി വിതരണ സ്ഥാപനവും തൃശൂർ പാലക്കാട് ജില്ലയിൽ നടത്തുന്നുണ്ട്. ഭർത്താവിന്റെ സഹായത്തോടെയാണെങ്കിലും തികച്ചും വേറിട്ട സംരംഭമാണ് അനുരാധ തിരഞ്ഞെടുത്തത്,

45 ലക്ഷം രൂപ നിക്ഷേപം