ബിസിനസിന്റെ തലവര മാറും.നിങ്ങളുടെയും ഡിജിറ്റൽ മാർക്കറ്റിങ്ങിലൂടെ

തുടക്കത്തിൽ കുറഞ്ഞ ചെലവിൽ പരമാവധി റിച്ചു കിട്ടാൻ ഡിജിറ്റൽ മാർക്കറ്റിങ്ങാണു മികച്ചത്. സംഗതി ആളുകളുടെ ഉള്ളിൽ പതിഞ്ഞാൽ വാർത്ത, മാർക്കറ്റിങ് ഫീച്ചർ, അഡ്വർട്ടോറിയൽ എന്നിവയിലൂടെ ആധികാരികത ഉറപ്പാക്കാം

- 

നിങ്ങളുടെ ബ്രാൻഡിന്/ബിസിനസിന് മാർക്കറ്റിൽ ഒരു ചലനവും ഉണ്ടാക്കാനായിട്ടില്ലേ? പ്രമോഷനായി ലക്ഷങ്ങൾ മുടക്കിയിട്ടും ഫലമില്ലാത്ത അവസ്ഥയാണോ? ഒരുപക്ഷേ, മാർക്കറ്റിങ് സ്ട്രാറ്റജിയുടെ കുഴപ്പമാകാം കാരണം. അങ്ങനെയെങ്കിൽ നിങ്ങളുടെ ബിസിനസിനു യോജിച്ച തന്ത്രം എത്രയും വേഗം കണ്ടെത്താൻ ശ്രമിക്കുക. ആവശ്യമെങ്കിൽ വിദഗ്ധരുടെ സഹായവും തേടാം.

ഓരോ ബിസിനസും അവരുടെ ടാർഗറ്റ് കസ്റ്റമർ ഗ്രൂപ്പിനെ ലക്ഷ്യംവച്ചു വേണം മാർക്കറ്റിങ് തന്ത്രങ്ങൾ ആവിഷ്കരിക്കാൻ പറയുന്നത് എറണാകുളം ആസ്ഥാനമായുള്ള ഇവോക് ഇന്നൊവേറ്റീവ് സൊല്യൂഷൻസിന്റെ മാനേജിങ് ഡയറക്ടറായ എൽദോ ജോയി.

"ഡിജിറ്റൽ മാർക്കറ്റിങ് മേഖലയിൽ അത്യപൂർവ മായൊരു വിപ്ലവത്തിന് അരങ്ങൊരുങ്ങുന്ന വർഷ മാണ് 2024. 5ജി കണക്ടിവിറ്റി, നിർമിതബുദ്ധി (എഐ), മെഷിൻ ലേണിങ്, ഓഗ്മെന്റഡ് റിയാലിറ്റി (AR), വെർച്വൽ റിയാലിറ്റി (VR) തുടങ്ങിയ നവ സാങ്കേ തികവിദ്യകൾ ഈ രംഗത്തു വൻമുന്നേറ്റത്തിനു വഴിയൊരുക്കും. അതു ശരിയായി ഉപയോഗിച്ചാൽ ഏതു സംരംഭകനും കുറഞ്ഞ ചെലവിൽ മികച്ച വളർച്ച നേടാൻ ഉറപ്പായും സാധിക്കും,' എൽദോ പറയുന്നു.

ഇനി പേഴ്സണലൈസ്ഡ് തന്ത്രങ്ങൾ

ഉപഭോക്താവുമായി വ്യക്തിബന്ധം സ്ഥാപിച്ചു. അവരെ പിന്തുടർന്ന് ആശയവിനിമയം നടത്തിയുമുള്ള പേഴ്സണലൈസ്ഡ് തന്ത്രങ്ങൾ വ്യാപകമാകുകയാണ്. ഉപഭോക്താവിന്റെ സ്വഭാവം, പെരുമാറ്റം, ഇഷ്ടം, ഇഷ്ടക്കേട് എന്നിവയെല്ലാം മനസ്സിലാക്കാവുന്ന എഐ ടൂളുകൾ വന്നുകഴിഞ്ഞു. ഒപ്പം ഓട്ടോമേഷനും കൂടിയാകുമ്പോൾ മാർക്കറ്റിങ് മേഖല പുതുതലത്തിലേക്ക് ഉയരും. എഐയുടെ വരവോടെ എളുപ്പത്തിലും അതിവേഗത്തിലും ടാർഗറ്റ് കമേഴ്സിലേക്കെത്താം. പുതിയ ടൂളുകൾ വഴി ഉടനടി റിസൽറ്റു ലഭിക്കുംവിധം പ്രമോഷൻ ക്യാംപെയിനുകൾ നടപ്പാക്കാനും റീച്ചുകൂട്ടാനും സാധിക്കും. ഇതുവരെ സോഷ്യൽ മീഡിയയിൽ 15-30 ദിവസത്തെ ക്യാംപെയിനിലൂടെ കസ്റ്റമർ ബിഹേവിയർ പഠിച്ചശേഷം സെയിൽസ് ഫണൽ ഉണ്ടാക്കിയാലേ നല്ല ലീഡ് വന്നതോടെ കണ്ടെത്താനാകുമായിരുന്നുള്ളൂ. എഐ ഇതെല്ലാം ഇന്ന് ഒരുദിവസം കൊണ്ടു സാധിക്കും.

ചെലവു കുറവ്, ഫലം കൂടുതൽ