ഏതു സാഹചര്യത്തിലും നേട്ടം ഉറപ്പാക്കും ഈ ഫണ്ടുകൾ

മുൻനിര ഓഹരികളുടെ സ്ഥിരതയും ഇടത്തരം ഓഹരികളുടെ വളർച്ചാസാധ്യതയും ഒന്നുചേരുന്ന ലാർജ് & മിഡ് ക്യാപ് ഫണ്ട് കുറഞ്ഞ റിസ്കിൽ വലിയ നേട്ടം ആഗ്രഹിക്കുന്നവർക്ക് അനുയോജ്യം.

- ഇസക്കിമുത്തു അറുമുഖം

ഓരോ കാലഘട്ടത്തിലും നിക്ഷേപകർക്കു വെല്ലുവിളികളും മുന്നിൽ അവസരങ്ങളും സൃഷ്ടിച്ചുകൊണ്ടാണ് ഓഹരി വിപണി മുന്നേറുന്നത്. അതുകൊണ്ടുതന്നെ ചാഞ്ചാട്ടങ്ങൾ ഉണ്ടാകുമ്പോൾ സ്ഥിരതയും വളർച്ചയും നൽകുന്ന നിക്ഷേപങ്ങളാവും എല്ലാവരും തേടുക. അത്തരത്തിൽ എടുക്കുന്ന റിസ്കിനനുസരിച്ചു നേട്ടം നൽകുന്ന മ്യൂച്വൽ ഫണ്ട് വിഭാഗമാണ് ലാർജ് & മിഡ്ക്യാപ് ഇക്വിറ്റി ഫണ്ടുകൾ. വിവിധ കമ്പനികളുടേതായി 26 ഓളം സ്കീമുകളും 1.75 ലക്ഷം കോടി രൂപയിലധികം നിക്ഷേപമുള്ള ഈ വിഭാഗം ഫണ്ടുകൾ എന്നും നിക്ഷേപകരെ ആകർഷിക്കുന്നു.

എന്തുകൊണ്ട് ഇപ്പോൾ