குழந்தைகளுக்கான தடுப்பூசிகள் ஒரு கம்ப்ளீட் ரிப்போர்ட்!

ஒரு குழந்தை பிறந்தவுடன், வெளிப்புற சூழலை சமாளிக்கவும், நோய் தொற்றுகளை எதிர்த்துப் போராடவும் அவற்றுக்கு நோய் எதிர்ப்பு ஆற்றல் தேவைப்படுகிறது.

- ஸ்ரீதேவி குமரேசன்

இந்த ஆற்றலை மருந்துகள் மூலம் குழந்தைக்கு செலுத்துவதே தடுப்பூசிகள் ஆகும். அந்த தடுப்பூசிகளை உரிய காலகட்டத்தில் தவறாமல் கடைப்பிடித்தால், எவ்வித நோயையும் அண்டவிடாமல் குழந்தையை ஆரோக்கியமாக வைத்துக்கொள்ளலாம். எனவே, ஒரு குழந்தை பிறந்தது முதல் எந்த வயது வரை தடுப்பூசிகள் போட வேண்டும். என்னென்ன தடுப்பூசிகள் போடவேண்டும். எந்தெந்த பருவத்தில் போட வேண்டும் போன்றவற்றை நம்முடன் பகிர்ந்து கொள்கிறார். குழந்தைகள் சிறப்பு மருத்துவர் எஸ். தங்கவேலு.

நோய்நாடி நோய்முதல் நாடி அதுதணிக்கும் வாய்நாடி வாய்ப்பச் செயல்.

என வள்ளுவரின் வாக்குப்படி, நோய்க்கான மூல காரணத்தை ஆராய்ந்து, அதனை தடுக்கும் செயல்களை செய்வதுதான் தடுப்பூசிகள். தடுப்பூசிகள் பற்றி கூறுவதற்கு முன்பு, தடுப்பூசி தோன்றிய காரணத்தையும் தெரிந்து கொள்வது பயனுள்ளதாக இருக்கும்.