சருமம் காக்கும் பருப்புக் கீரை

கீரைகள் தமிழ்நாட்டின் மூவா மூலிகைகள்.

- திலீபன் புகழ்

தாவர அமிர்தங்கள். இவற்றின் ககுணங்களைக் கண்டறிந்து தவறாது உணவில் சேர்க்கச் சொன்ன நம் முன்னோரின் மாண்பு போற்றுதலுக்குரியது. 'உணவே மருந்து மருந்தே உணவு, என்ற வாழ்வியல் கோட்பாட்டை நம் முன்னோர் இக்கீரை போன்ற நற்றாவரங்களிடம் இருந்தே பெற்றார்கள் என்று சொல்லலாம். இன்று உலகம் முழுதும் கீரையின் பெருமையைப் பேசிக்கொண்டிருக்கிறது. அலோபதி முதல் அத்தனை வகையான மருந்துகளுக்கும் மூலப் பொருளாக கீரைகள் இருக்கின்றன. அப்படியான நல்ல கீரைகளில் ஒன்றுதான் பருப்புக் கீரை. பருப்புக் கீரை தமிழகத் தின் பாரம்பரியமான கீரைகளில் ஒன்று. பருப்புடன் இணைத்து இதனைச் சாப்பிடும்போது கிடைக்கும் ஆற்றல் அபரிமிதமானது.

இது தமிழ் நாட்டின் எல்லா இடங்களிலும் வளரக்கூடிய ஒரு சிறு தாவரமாகும், இதன் இலை, விதைகள் உணவாக பயன்படுகிறது, இது இனிப்பு, புளிப்பு சுவைகளுடையது. உடலுக்கு குளிர்ச்சியைத் தரும். அகத்தியர் தன்னுடைய பொருட்பண்பு நூலில் பருப்புக் கீரையால் தேக சூடு போகும், சிறுநீரக நோய்கள், கல்லீரல் நோய்கள், குடலைப் பற்றிய நோய்கள் போகும் என்று கூறுகிறார்;

'பிள்ளைப் பருப்பிலைக்குப் பித்தமறுங்கொள்ளத்

தெரியுங் கடல்சூழ் இத்தேசத்தோருக்குக் கரிய குழலணங்கே! காண்

(அகத்தியர் குணவாகடம்)