വയൽ വരമ്പ്, വായന

വയൽ ടൂറിസവുമായി കൊല്ലങ്കോട്ടെ കുടിലിടം

- 

ധ്യാനം പരിശീലിക്കാനെത്തിയ ശിഷ്യനോട് സെൻ ഗുരു ചോദിച്ചു, “താങ്കൾക്ക് ആ മലയുടെ ശബ്ദം കേൾക്കാൻ കഴിയുന്നുണ്ടോ?'' ശിഷ്യൻ അമ്പരന്നു, മലയുടെ ശബ്ദമോ! മലയ്ക്കു ശബ്ദമുണ്ടാക്കാൻ കഴിയുമോ!.“കഴിയും'', ഗുരു പറഞ്ഞു, “മലയുടെ ശബ്ദം കേൾക്കാൻ കഴിഞ്ഞാലേ നിങ്ങളൊരു ശരിയായ സാധകനാകൂ.

കൊല്ലങ്കോട്ടെ വയലേലകൾക്ക് അതിരിട്ടു നിൽക്കുന്ന നെല്ലിയാമ്പതി മലനിരകളിലേക്കു നോക്കിയിരിക്കുമ്പോൾ നിങ്ങൾക്കും തോന്നും ആ മലനിരകൾ മന്ദ്രമധുരമായി സംസാരിക്കുന്നുണ്ടെന്ന്... ഈ മലനിരകളോടും അതിന്റെ താഴ്വരയിലെ വയലുകളോടും ഒറ്റപ്പെട്ടുപോയ മനുഷ്യരെ പ്പോലെ ഏകാന്തമായി നിൽക്കുന്ന കരിമ്പനകളോടും സംസാരിക്കാനാണ് സക്കീർ ഹുസൈൻ നിങ്ങളെ കൊല്ല കോട്ടേക്കു ക്ഷണിക്കുന്നത്. കെട്ടുകാഴ്ചകളും ആഡംബര ങ്ങളുമില്ലാതെ വിശാലമായ വയൽപ്പരപ്പിലെ വരമ്പുകളി ലൊരുക്കിയ, ഓലമേഞ്ഞ കാവൽ മാടങ്ങളിൽ വെറുതെ ഇരിക്കാം. ഈ വെറുതെ ഇരിപ്പിന്റെ സ്വസ്ഥതയും സമാധാനവുമല്ലാതെ മറ്റൊന്നും കൊല്ലങ്കോട് സ്വദേശി സക്കീർ ഹുസൈന്റെ ഈ കുടിലിടം' നിങ്ങൾക്കു വാഗ്ദാനം ചെയ്യുന്നുമില്ല.

“അമ്പരപ്പിക്കുന്ന ഒരു കാര്യമെന്തെന്നു വച്ചാൽ മൊബൈൽ ഫോണും ഹെഡ്സെറ്റുമൊക്കെ മാറ്റിവച്ച് വെറുതെ ഈ മലയും നെൽവയലും കരിമ്പനകളും നോക്കി യിരിക്കാൻ വരുന്നവരിൽ നല്ല പങ്ക് കൗമാരക്കാരും ചെറുപ്പക്കാരുമാണെന്നതാണ്. നമ്മൾ കരുതുംപോലെ കൗമാര യൗവനങ്ങളൊന്നാകെ ആഘോഷങ്ങളിൽ മുങ്ങിപ്പോയിട്ടില്ല. കയ്യിലൊരു പുസ്തകവുമായി വന്ന് ഈ വേനൽച്ചൂടിലും ചെറിയൊരു ഓലക്കുടിലിന്റെ ഇത്തിരി തണലിൽ വൈകുവോളം വായിച്ചിരിക്കുന്ന കൗമാരക്കാരെയും ഇവിടെ കാണാം. വാസ്തവത്തിൽ നമ്മുടെ ടൂറിസം സങ്കൽപങ്ങൾ മാറേണ്ടിയിരിക്കുന്നു. ഗ്രാമീണ കൃഷിയിടങ്ങളുടെ ടൂറിസം സാധ്യത കൂടുതൽ പഠിക്കേണ്ടിയിരിക്കുന്നു, '' കയ്യിലുള്ള ഖലീൽ ജിബ്രാൻ പുസ്തകം താഴെവച്ച് സക്കീർ ഹുസൈൻ പറയുന്നു.

വയലിടം കുടിലിടം