മുത്തച്ഛന്റെ മോതിരം കിട്ടി

കൃഷിവിചാരം

-  കെ.ആർ. പ്രമോദ് ഫോൺ: 9447809631 ഇ- മെയിൽ: [e-mail]

വിഷുപ്പുലരി തെളിഞ്ഞു.

ഉമ്മറക്കോലായിൽ കണിയൊരുങ്ങി.

ചെറിയ കുട്ടി എന്ന നിലയിൽ അവനാണ് മുത്തച്ഛൻ ആദ്യം വിഷുക്കൈനീട്ടം കൊടുക്കുന്നത്.

നാണയങ്ങൾക്കൊപ്പം സ്വർണമോതിരവും തരും. അവ രണ്ടു കയ്യും നീട്ടി സ്വീകരിച്ച് മോതിരം തിരിച്ചു നൽകണം. അതാണ് രീതി.

മുത്തച്ഛൻ തന്ന വിഷുക്കൈനീട്ടം വാങ്ങിയെങ്കിലും മോതിരം മടക്കിക്കൊടുക്കാൻ അവനു തോന്നിയില്ല. ദേശീയപതാകയുടെ രൂപത്തിൽ മുത്തുകൾ പതിപ്പിച്ച ചെറിയ അംഗുലീയം പുലരിവെളിച്ചത്തിൽ നക്ഷത്രം പോലെ തിളങ്ങുകയാണ്.

"മോതിരം തിരിച്ചു കൊടുക്കൂ, കുട്ടി!'- അറപ്പുര വാതിലിനു സമീപം നിന്നിരുന്ന മുത്തശ്ശി പറഞ്ഞു. “ഈ മോതിരം എനിക്കു വേണം!'- അവൻ പറഞ്ഞതു കേട്ട് മുത്തച്ഛൻ ചിരിച്ചു. “സാരമില്ല. അവന്റെ ആഗ്രഹമല്ലേ? കളയാതെ സൂക്ഷിച്ചാൽ മതി.' ഓൾഡ്മാൻ.

ആ മോതിരം പണ്ട് സ്വാതന്ത്ര്യസമരങ്ങളിൽ പങ്കെടുത്തതിന്റെ പേരിൽ മുത്തച്ഛന് സർക്കാർ സമ്മാനിച്ച ദേശീയപതാകാങ്കിത വീരമുദ്രയാണ്.

മാവിൻചുവട്ടിലെ നിധി