ബമ്പർ സാധ്യതയായി ബംഗാളി പച്ചക്കറി

അതിഥിത്തൊഴിലാളികൾക്കായി അതിഥിപ്പച്ചക്കറികൾ കൃഷിചെയ്യുന്ന പെരുമ്പാവൂരിലെ കർഷകൻ

നാടോടുമ്പോൾ നടുവേ ഓടുക എന്നത് കൃഷിക്കാർക്കും ബാധകമെന്നു തെളിയിക്കുന്നു എണാകുളം ജില്ലയിൽ പെരുമ്പാവൂരിനടുത്ത് ഒക്കലിലുള്ള ജോബി പത്രോസ് എന്ന കർഷകൻ. പശ്ചിമ ബംഗാളിലെ ഏതോ പട്ടണം എന്നു സംശയിക്കും വിധം പതിനായിരക്കണക്കിനു "ഭായിമാർ തിങ്ങിപ്പാർക്കുന്ന പ്രദേശമാണ് പെരുമ്പാവൂർ. അവർക്കു പ്രിയപ്പെട്ട പച്ചക്കറി ഇനങ്ങൾ അവരുമായി ചേർന്നുതന്നെ കൃഷി ചെയ്ത് മികച്ച വിളവും വിലയും വിപണിയും നേടുകയാണ് ജോബി.