പ്ലമേന അമ്മച്ചിയിലേക്ക്

ആശാ അരവിന്ദ്

- ജി. കൃഷ്ണൻ

2018 ലെ പ്രളയകാലം അനുഭവിച്ചവർക്ക് പ്രളയശേഷം ജലകന്യക എന്ന സിനിമ ഒരു ഓർമ്മപുതുക്കലിന്റെ, നൊമ്പരങ്ങളുണർത്തുന്ന സിനിമയായിരുന്നു. എഴുപത് വയസ്സുള്ള ഒരു തറവാട്ടമ്മയുണ്ട് ആ ചിത്രത്തിൽ.

ചട്ടയും മുണ്ടും ഒക്കെ ധരിച്ച് തലമുടിയിൽ നരവീണ ഒരമ്മച്ചി. ഭർത്താവ് രോഗബാധിതനായി കട്ടിലിലും വീൽ ചെയറിലുമായി കഴിയുമ്പോഴും ഈ അമ്മച്ചി പ്രളയത്തെ ഭയപ്പെടുന്നുണ്ടായിരുന്നില്ല. ഭർത്താവിനെയും വീടിനെയും ആടിനെയും കോഴിയെയും ഒന്നും ഉപേക്ഷിച്ച് എങ്ങോട്ടേയ്ക്കും താൻ പോകുന്നില്ലായെന്ന തീരുമാനത്തിലായിരുന്നു ഈ അമ്മച്ചി.

ഈ അമ്മച്ചിയെ പ്രേക്ഷകർ സ്വീകരിച്ചത് സ്വാഭാവികമായ, കളകമില്ലാത്ത, നൈർമ്മല്യമായ അഭിനയം കണ്ടിട്ട് മാത്രമായിരുന്നു.