വില്ലന്മാർക്ക് ഫാൻസ് കൂടുന്നുവോ?

2016 ൽ പുറത്തിറങ്ങിയ 'ആനന്ദം' എന്ന ചിത്രത്തിലൂടെ അഭിനയലോകത്തെത്തിയ വിശാഖ് നായര് അന്യഭാഷാചിത്രങ്ങളിലേയും തിരക്കുള്ള നടനാണ്. “ഓഫീസർ ഓൺ ഡ്യൂട്ടി'യിലെ ക്രൂരനായ വില്ലനായി ശ്രദ്ധിക്കപ്പെട്ട വിശാഖ് ‘നാന'യ്ക്കൊപ്പം

- അപ്പൂസ് കെ.എസ്

പണ്ടൊക്കെ പ്രേക്ഷകർ ഒരു സിനിമ കണ്ടുകഴിഞ്ഞിറങ്ങിയാൽ അതിലെ നായകന്റെ ഫാൻസ് ആവുമായിരുന്നു. ഇപ്പോഴത്തെ സിനിമയിൽ എല്ലാരും വില്ലന്മാരുടെ ഫാൻസ് ആവുകയാണ്. ജോജുവിന്റെ പണി'യിൽ ആണെങ്കിലും മാർക്കോ'യിൽ ആണെങ്കിലും ഒക്കെ ഇതു തന്നെ സംഭവിച്ചു. ഓഫീസർ ഓൺ ഡ്യൂട്ടിയിലെ എല്ലാ വില്ലന്മാർക്കും നല്ല സ്വാഗ്. എന്തുകൊണ്ടായിരിക്കും ഇപ്പോൾ എല്ലാവരും വില്ലന്മാർ ഫാൻസ് ആവുന്നത്?

അതെ. ഞാനും ശ്രദ്ധിച്ചിട്ടു ണ്ട്. ചിലപ്പോ ആ വില്ലൻ കഥാപാത്രം അത്ര കളർഫുൾ ആണെന്നത് കൊണ്ടായിരിക്കും ആളുകൾക്ക് ഇഷ്ടപ്പെടുന്നത്. ഇവിടെ സിനിമയിൽ അഭിനയിച്ചിരിക്കുന്ന പുതുമുഖങ്ങൾക്ക് എല്ലാവർക്കും എക്സ്പോഷർ ഉണ്ട്. അർബൻ സെറ്റിംഗ്സുമായി അറ്റാച്ച്ഡ് ആയിരുന്ന ആളുകൾക്ക് കഥാപാത്രം എളുപ്പം റിലേറ്റ് ചെയ്യാൻ പറ്റി. പിന്നെ അവർ ഫിസിക്കലി തന്നെ നല്ല എനർജെറ്റിക് ആണ്. അതൊക്കെ പ്രേക്ഷകർക്ക് കണ്ട് ഇഷ്ടപ്പെട്ടിട്ടുണ്ട്. ഫൈറ്റ് സീനിനൊക്കെ വലിയ പ്രതികരണങ്ങൾ കിട്ടിയിരുന്നു.

“ഓഫീസർ ഓൺ ഡ്യൂട്ടി'യിൽ കണ്ണുകൾ കൊണ്ട് ഒരുപാട് ഭാവങ്ങൾ കൊണ്ടുവരാൻ ശ്രമിച്ചിട്ടുള്ളതായി തോന്നിയിരുന്നു. അത് ഭയങ്കര എഫക്ടീവ് ആയിട്ടുമുണ്ട്. ട്രെയിലർ കാണാത്ത ഒരാൾക്കുപോലും മനസ്സിലാകും ഇയാളാണ് ഇതിലെ വില്ലൻ എന്ന്. എങ്ങനെയായിരുന്നു അതിലേക്കുള്ള തയ്യാറെടുപ്പുകൾ

നല്ലൊരു ചോദ്യം ആണ് അത്. ഞാൻ ഈയിടെയാണ് കണ്ണട ഇല്ലാതെ പെർഫോം ചെയ്തു തുടങ്ങിയത്. കാരണം ഞാൻ ഒരിക്കലും അതിൽ കംഫർട്ടബിൾ ആയിരുന്നില്ല. ഒരു ആക്ടറുടെ സ്കിൽ സെറ്റിൽ കണ്ണു കൊണ്ടുള്ള അഭിനയം എന്നുപറയുന്നത് അത്ര പ്രധാനമാണ് എന്ന് ഞാൻ പിന്നീട് മനസ്സിലാക്കി. ഓവർ ദി ടോപ് കഥാപാത്രങ്ങൾ ഒക്കെ ആകുമ്പോൾ അതിന് പ്രത്യേക പ്രാധാന്യം ഉണ്ട്. എല്ലാ ക്രെഡിറ്റും സംവിധായകന് ഉള്ളതാണ്. ഞങ്ങൾ എല്ലാവരെയും ഞങ്ങളുടെ സ്പേസിൽ അഭിനയിക്കാൻ വിട്ടതുകൊണ്ടാണ് ഞങ്ങൾക്കും നന്നായി ചെയ്യാൻ കഴിഞ്ഞത്.

റെസ്പോൺസുകൾ സന്തുഷ്ടനാക്കിയോ?