താരങ്ങളുടെ ചമയങ്ങൾക്ക് പിന്നിൽ

ലൂസിഫറും എമ്പുരാനും തമ്മിൽ ഒരു അഞ്ചു വർഷത്തെ ഇടവേളയുണ്ട്. അബ്രഹാം ഖുറേഷി എന്ന ലാലേട്ടന്റെ കഥാപാത്രം മുന്നേതന്നെ എസ്റ്റാബ്ലിഷ് ചെയ്തിട്ടുളളതുമാണ്. ഇവരുടെ മാറ്റങ്ങളും വളർച്ചകളും കരവിരുതിലൂടെ പ്രേക്ഷകരിലേക്കെത്തിച്ച ശ്രീജിത്ത് ഗുരുവായൂരിനോടൊപ്പം...

- അപ്പൂസ് കെ.എസ്

കഥാപാത്രങ്ങളുടെ സ്ക്രീൻ പ്രസൻസിനുവേണ്ടി പ്രത്യേകിച്ച് ഇൻട്രോ സീനിനു വേണ്ടി എന്തെങ്കിലും ചെയ്യാറുണ്ടോ?

കഥാപാത്രം ഡിമാൻഡ് ചെയ്യുന്ന മെയ്ക്ക് ഓവർ ആണ് ചെയ്യാറുള്ളത്. അബ്രഹാം ഖുറേഷിയുടെ ലുക്ക് ഓഡിയൻസ് എല്ലാവരും കണ്ടുകഴിഞ്ഞതാണ്. ആ കഥാപാത്രത്തിന് ഉള്ള അഞ്ചുകൊല്ലത്തെ ഒരു വളർച്ചയുണ്ട്. അതുമാത്രം തന്നെയാണ് കൊണ്ടുവരാൻ ശ്രമിച്ചിട്ടുള്ളത്.

സ്റ്റീഫൻ നെടുമ്പള്ളിയുടെ കണ്ണുകളിൽ ഒരു വേദനയും പ്രതികാരവും ഉണ്ടായിരുന്നു.പക്ഷേ അബ്രഹാം ഖുറേഷിയിൽ ...?

ശരിയാണ്. ലൂസിഫറിൽ പോലീസിന്റെ നെഞ്ചത്ത് കാലു വച്ച് നിൽക്കുന്ന ലാലേട്ടന്റെ കണ്ണുകളെ കണ്ടുതന്നെ ആ കഥാപാത്രത്തിന്റെ പവർ എന്താണെന്ന് നമ്മൾ മനസ്സിലാക്കിയതാണ്.

പൃഥ്വിയുടെ ക്യാരക്ടർ ബീഫിംഗിൽ ഒരു മേയ്ക്ക് അപ്പ് ആർട്ടിസ്റ്റ് എന്ന നിലയിൽ എന്തെങ്കിലും നിർദ്ദേശങ്ങൾ കൊടുക്കാൻ കഴിഞ്ഞിരുന്നോ?