മധുരമനോഹര മോഹം

പത്തനംതിട്ട കുമ്പഴ ഗ്രാമത്തിലെ പുരാതനമായ ഒരു തറവാട്ടിൽ ഈ ചിത്രത്തിന്റെ ചിത്രീകരണം നടക്കുന്നു

- വാഴൂർ ജോസ്

ഒരു വനിതാ സംവിധായികയുടെ കടന്നുവരവിന് കൂടി സാക്ഷ്യം വഹിക്കുന്ന ചിത്രമാണ് മധുരമനോഹര മോഹം.

പ്രശസ്ത കോസ്റ്റ്യൂം ഡിസൈനർ സ്റ്റെഫി സേവ്യറാണ് ഈ ചിത്രം സംവിധാനം ചെയ്യുന്നത്. ബീ ത്രി എം ക്രിയേഷൻസ് ഈ ചിത്രം നിർമ്മിക്കുന്നു.

പത്തനംതിട്ട കുമ്പഴ ഗ്രാമത്തിലെ പുരാതനമായ ഒരു തറവാട്ടിൽ ഈ ചിത്ര ത്തിന്റെ ചിത്രീകരണം നടക്കുന്നു. മലയാളത്തിലെ പുതിയ തലമുറക്കാരുടേയും പഴയ തലമുറക്കാരുടേയും സജീവസാന്നിദ്ധ്യമുള്ള അഭിനേതാക്കൾ ഈ സെറ്റിലുണ്ട്.

ഷറഫുദ്ദീൻ, വിജയരാഘവൻ, രജീഷാ വിജയൻ, ബിന്ദു പണിക്കർ, അൽത്താഫ് സലിം, അർഷാബൈജു, സുനിൽ സുഗത, ബിജു സോപാനം തുടങ്ങിയ അഭിനേതാക്കളുടെ സാന്നിദ്ധ്യം ഇവിടെയുണ്ട്.

ബിന്ദുപണിക്കർ സമീപകാലത്ത് ഏറെ തിളങ്ങിയ ചിത്രമായിരുന്നു റോഷാക്ക്. അതിനുശേഷം ഏറെ പ്രാധാന്യമുള്ള മറ്റൊരു കഥാപാത്രത്തെയാണ് ബിന്ദു പണിക്കർ ഈ ചിത്രത്തിൽ അവതരിപ്പിക്കുന്നത്. ചിത്രത്തിലെ മുഴുനീള കഥാപാത്രം.