ഋതുഭേദകൽപന..

പാട്ടിൽ ഈ പാട്ടിൽ

- എം.ഡി. രാജേന്ദ്രൻ

മംഗളം നേരുന്നു' എന്ന ചിത്രത്തിന്റെ സ്വീകാര്യതയിൽ അതിലെ പാട്ടുകളുടെ പങ്കിനെപ്പറ്റി ഒരു സുഹൃത്തു പറഞ്ഞത് ഓർക്കുന്നു. ആ പാട്ടുകൾ ഹിറ്റാകാനുള്ള പ്രധാന കാ രണം ഇളയരാജയുടെ മനോഹരമായ സംഗീതമാണ്. ഇളയരാജ ആദ്യം ട്യൂൺ ഇടും. അതിനനുസരിച്ച് പാട്ടെഴുതണം. എന്നാൽ ഋതു ഭേദകൽപന..'യുടെ കാര്യം പക്ഷേ, നേരെ തിരിച്ചായിരുന്നു. ഒരു കവിത എഴുതി ഞാൻ ട്യൂൺ ചെയ്യാം എന്നദ്ദേഹം എന്നോടു പറഞ്ഞു. അന്നു രാത്രി മദ്രാസിലെ പാം ഗ്രോവ് ഹോട്ടലിലെ മുറിയിലിരുന്ന് ഞാൻ എനിക്കിഷ്ടമുള്ള താളത്തിൽ ഒരു കവിതയെഴുതി.

ഋതുഭേദകല്പന ചാരുത നൽകിയ
പ്രിയപാരിതോഷികം പോലെ