JANE STREET...ஒரே நாளில் ரூ.735 கோடி ... ஒட்டு மொத்தமாக ரூ.36,000 கோடி ...

சுறா மீன் வேட்டையில் இந்திய பங்குச் சந்தை!

- 

சின்ன மீனைப் போட்டு பெரிய மீனைப் பிடிப்பது தெரியும்.

இது பெரிய மீனைப் போட்டு அதை விட பெரிய மீனைப் பிடிப்பது.

Jane street என்பது ஒரு அமெரிக்க நிறுவனம். 'ரூல்ஸ் வழியாவே ரூல்ஸ் மீறுவேன்' என்ப தைப்போல, கடந்த ஒரு சில ஆண்டு களில் இந்திய பங்குச் சந்தையின் F&O வணிகத்தில் தடாலடியாக உள்ளே புகுந்து இந்நிறுவனம் ஈட்டியிருக்கும் பெருந் தொகை, கிட்டத்தட்ட 36,000 கோடி ரூபாய்.

பாரதி தம்பி தற்போது SEBI இந் நிறுவனத்தை தடை செய்திருக்கிறது.

ஆனால், ஒரு சுறா மீன் தாக்குதல் போல Jane street effect இன்னும் சந்தையில் எதிரொலிக் கிறது. இதை புரிந்து கொள்ள F&O மற்றும் Option trading பற்றிய அடிப்படை புரிதல் அவசியம்.

Nifty என்பது இந் திய பங்குச் சந்தை குறி யீட்டு எண்களில் ஒன்று. BankNifty என்பது, சில முக்கியமான வங்கித் துறை பங்குத் தொகுப் பின் குறியீட்டு எண்.

எப்படி ஒரு பங்கை வாங்கி விற்கிறோமோ, அதேபோல் இந்த Nifty, BankNifty போன்ற indexகளையும் வாங்கி விற்கலாம். வேறு சில indexகளும் உண்டு.

ஒரு பங்கு ஏறும் என நினைத்து வாங் குவது வழக்கமானது. அதைப்போலவே ஒரு பங்கு இறங்கும் என நினைத்தும் வாங்கலாம் / விற்கலாம். இறங்க இறங்க லாபம். ஏறும் என நினைத்து வாங் குவதற்கு பெயர் Call option. இறங்கும் என நினைத்து வாங்கினால் அதன் பெயர் Put option.

தனிப்பட்ட பங்கின் ஏற்ற, இறக்கத்தை வாங் குவதற்கு Stock option என்று பெயர். இதையே Nifty, BankNifty போன்ற indexகளில் செய்தால் அதன் பெயர் index option.

மொத்தமாக இந்த வகை யூக வணிகத்தின் பெயர் option trading. வேறு சில யூக வணிகங்களும் உண்டு. அவற்றையும் சேர்த்து டெரிவேட்டிவ்ஸ் என்று சொல்வார்கள்.

நேரடி பங்குகளை எப்போது வேண்டுமானாலும் வாங்கி விற்கலாம் என்பதைப்போல இதை செய்ய முடியாது. இவற்றுக்கு மாதாந்திர மற்றும் வாராந்திர expiry தேதிகள் உண்டு. அதற் குள் அதன் கணக்கை முடித்தாக வேண்டும். இல்லையெனில் சந்தையே கணக்கை முடித்து square off செய்துவிடும்.