6 புதுமுகங்கள்...அதுல 2 பேர் உதவி இயக்குநரா இருந்தவங்க! இது தனுஷ் கொடுக்கப்போகும் #NEEK (நிலவுக்கு என்மேல் என்னடி கோபம்) ட்ரீட்

இது தனுஷ் கொடுக்கப்போகும் #NEEK (நிலவுக்கு என்மேல் என்னடி கோபம்) ட்ரீட்

- ஷாலினி நியூட்டன்

2கே வயதில் நடிகர் நடிகைகளே இல்லையே என தமிழ் சினிமா துறை மட்டுமின்றி 2கே ரசிகர்களும் வருத்தப்பட்டுக் கொண்டிருந்தோம். அதற்கு வரப்பிரசாதமாக இதோ ஒரே படத்தில் ஆறு 2கே கண்மணிகளை இறக்குமதி செய்து தனுஷ் தன் இயக்கத்தில் உருவாக்கி இருக்கும் படம் ‘நிலவுக்கு என்மேல் என்னடி கோபம்’.

மொத்தமாக இளமையாக புதுமையாக ஃப்ரெஷ் முகங்களை களம் இறக்கி இருக்கிறார். ‘ஜாலியாக வாங்க சந்தோஷமா போங்க, எல்லாருக்கும் தெரிஞ்ச சாதாரண காதல் கதைதான்’ என ஆரம்பத்திலேயே படம் எதைக் குறித்து பேசப் போகிறது என்பதை தெளிவாகச் சொல்லி ட்ரெய்லரையும் வெளியிட்டு இருக்கிறார் தனுஷ்.

ஆனால், இப்படத்தின் ஆடியோ ஃபங்ஷனில் தனுஷ் பங்கேற்கவில்லை. மட்டுமல்ல... இந்தப் பேட்டியையும் தனுஷ் தரவில்லை. மாறாக படத்தின் அசிஸ்டென்ட் இயக்குநரும் தற்போது அறிமுக நடிகர் என்கிற அடையாளத்துடனும் இருக்கும் பவிஷ் நாராயணன்தான் இந்த நேர்காணலைக் கொடுத்திருக்கிறார். ‘‘இதை பெருந்தன்மைனு சொல்றதை விட இதுதான்... இதுவேதான் தனுஷ் சார்னு சொல்லலாம். 

குடும்பப் பின்னணி இருந்தாலும் தனக்குனு ஓர் அடையாளத்தை அவர் உருவாக்கிக் கொண்டார். அப்படி எங்க ஆறு பேரும் அவரவர் அடையாளத்தோடு முத்திரை பதிக்கணும்னு அவர் விரும்பறார். அதனாலதான் எங்க எல்லாரையும் முன்னால நிறுத்திட்டு அவர் பின்னாடி முகம் காட்டாமல் இருக்கார். அப்படித்தான் இந்தப் பேட்டியும்...’’ புன்னகைக்கிறார் பவிஷ் நாராயணன்.

‘நிலவுக்கு என்மேல் என்னடி கோபம்’..?

ஆறு கல்லூரி நண்பர்கள், அவங்களுக்குள் காதல், ரொமான்ஸ், அதைச் சார்ந்து நடக்கும் சில விளைவுகள், வினைகள்தான் கதை. ஒரு முன்னாள்  காதலன், காதலிக்கு கல்யாணம். ரெண்டு பேருக்கும் இடையிலே என்ன கோபம், அப்படி என்ன நடந்தது... இதுதான் ‘நிலவுக்கு என் மேல் என்னடி கோபம்’ படக் கதை.

துணை இயக்குநர் முதல் நடிகர் வரை... உங்க பின்னணியைச் சொல்லுங்க?