புது வகையான ஆக்ஷன் படம் இது...

பண்டிகைகள், தொடர் விடுமுறை நாட்கள் என் றால் அத்தனை மொழிக ளிலும் திரைப்படங்கள் வெளியாவது சகஜம்.

- ஷாலினி நியூட்டன்

ஆனால், இப்படி எதுவும் இல்லாமல் திரைப்படம் வெளியாகும் நாளையே பண்டிகையாக மாற்றும் படியான நடிகர்கள் இந்திய அளவில் மிகச் சிலர்தான்.

அந்த வகையில் அஜித் குமார் படம் வெளியாகும் தினம்தான் அவரது ரசிகர்களுக்கு பண்டிகை. இதோ பிப்ரவரி 6ம் தேதி ‘விடாமுயற்சி’ வெளியீடு. ‘

‘‘மகிழ்! ட்ரஸ்ட் மீ பிளைண்ட்லி’ இதுதான் அஜித் சார் எனக்கு சொன்ன முதல் வார்த்தைகள். கண்மூடித்தனமாக அவரை நம்பணும். நம்பினா மிகச் சுலபமா புரிஞ்சுக்கிட்டு நாம அவர் கூட பயணிக்கலாம்.

ரொம்ப எளிமையான மனிதர். ஒரு சில நடிகர்களை இயக்க நமக்குத் தகுதி வேணும், அதை நாம வளர்த்துக்கணும். அந்தப் பட்டியலில் அஜித் சாரும் ஒருவர்.

அப்படியான தகுதிகள் எனக்கும் வேணும் என்கிற காத்திருப்பு என்கிட்ட இருந்தது. இத்தனைக்கும் சுரேஷ் சந்திரா சார் எனக்கு 12 வருட நண்பர். வாய்ப்பு இருந்தால் அவரே கூப்பிட்டு சொல்லிடுவார் என்கிற நம்பிக்கையும் எனக்கு இருந்தது.

அப்படி அவர் சொல்லி அஜித் சார்கிட்ட இருந்து ஒரு நாள் கால் வந்தது. அப்ப அஜித் சார் போனில் சொன்ன முதல் வார்த்தை ‘Magizh! Trust Me Blindly.’’ நிதானமாக, நிறைவாக பேசத் தொடங்கினார் இயக்குநர் மகிழ் திருமேனி.

தலைப்பு உருவான கதை..?

ஒருசில தலைப்பு நமக்கு ரொம்ப பெரிய சவால் வைக்கும். சில தலைப்பு பவர்ஃபுல்லா இருக்கும். உதாரணத்துக்கு ‘பத்ரகாளி’. அந்தப் படம் முடியறதுக்கு முன்பே படத்தின் நாயகி இறந்துட்டாங்க.

அப்படித்தான் இந்தத் தலைப்பு. ‘நீ விடாமல் முயற்சி செய்வியா’... ‘இந்தத் தலைப்பு வைக்கிற அளவுக்கு நீங்க தகுதியான ஆட்களா..?’ இப்படியான சவால்.

அஜித் சார்தான் இந்தத் தலைப்பு கொடுத்தார். ஆரம்பிக்கும்போது கதைக்கு இந்தத் தலைப்பு பொருத்தமா இருக்குமானு யோசிச்சேன். ஆனா, ஷூட் போகப் போக இந்தத் தலைப்பைத் தாண்டி வேற டைட்டில் இந்தக் கதைக்கு இல்லைனு புரிஞ்சுது.