தகிக்கும் வெப்பம்...என்ன காரணம்.. ?என்ன செய்ய வேண்டும்..?

சமீபமாக அதிக வெயிலைச் சந்தித்து வருகிறது தமிழ்நாடு

- 

கடந்த வாரம் 115 டிகிரி ஃபாரன்ஹீட் வெப்பம் சில இடங்களில் பதிவாகி எல்லோரையும் களைப்பாக்கியது. சென்னையில் 109 டிகிரி ஃபாரன்ஹீட் வரை ஏறியிறங்கியது. கரூர் மாவட்டத்தில் இயல்பைவிட மிகமிக அதிகமாக அதாவது 5.1 டிகிரி செல்சியஸுக்கு மேல் வெப்பம் பதிவானதாக சென்னை வானிலை ஆய்வு மையம் தெரிவித்தது.

அதுமட்டுமல்ல. மியான்மர் அருகே கரையைக் கடந்த மோக்கா புயலின் காரணமாக வெப்பம் 2 முதல் 4 டிகிரி செல்சியஸ் வரை அதிகரிக்கும் என வானிலை ஆய்வு மையம் ஏற்கனவே தெரிவித்திருந்தது. இருந்தும் மாலை நேரங்களில்கூட மக்களால் வெளியில் நடமாட முடியவில்லை. அந்தளவுக்கு வெயில் தகித்தது. தகித்துக் கொண்டும் இருக்கிறது. ஃபேன் ஓடினாலும் வியர்வை வழிந்தோடுகிறது.

இந்த வெயில் ஏன் இவ்வளவு வெயிலாக இருக்கிறது... இது வெப்பஅலையா... என்கிற கேள்விகளுடன் வானிலை ஆய்வு மையத்தின் தென்மண்டல தலைவர் பாலச்சந்திரனிடம் பேசினோம்.

‘‘சென்னையில் 40, 42 டிகிரிக்கு மேல் வந்ததுக்கே வெயில் படுத்தி எடுக்குதுனு பேசுறோம். ஆனா, இதே சென்னையில் 2003ம் ஆண்டு 45 டிகிரி பதிவாகியிருக்கு. 44, 43 எல்லாம் அப்ப இருந்திருக்கு. ஆனா, பலரும் முதல் தடவையாக ஃபீல் பண்ற மாதிரி சொல்லிட்டு இருக்கோம்.

என்ன சாப்பிடலாம்..?

வெயிலிலிருந்து தற்காத்துக் கொள்ளவும், கோடைக்கான உணவுகள் குறித்தும் டயட்டீசியன் அம்பிகா சேகர் தரும் டிப்ஸ்... 

‘‘முதல்ல வெயிலுக்கு டீைஹட்ரேடு ஆகாமல் அதாவது நீர்ச்சத்து குறையாமல் பார்த்துக்கணும். அதனால், வழக்கமாக குடிப்பதைவிட எல்லோரும் அதிகமாக நீர் அருந்தணும். ஜூஸ், இளநீர், மோர் இந்தமாதிரி எடுத்துக்கணும்.