5 ஆயிரம் மாணவிகளுக்கு விஷம்... ஈரானில் என்ன நடக்கிறது..?

ஆம். உலகையே அதிர வைத்திருக்கிறது இந்த நிகழ்வு. அதுவும் சரியாக உலக மகளிர் தினத்தை பிரபஞ்சமே கொண்டாடி முடித்த மறுநாளே இந்தச் செய்தி கசிந்தது எப்படிப்பட்ட உலகில நாம வாழ்கிறோம் என்பதற்கு ஒரு சோறு பதம்.

- என்.ஆனந்தி

மாணவிகள் கல்வி கற்பதை நிறுத்துவதற்காக, ஈரான் நாட்டுப் பள்ளியில் அவர்களின் உடலில் கொஞ்சம் கொஞ்சமாக விஷம் கலக்கப்பட்டு வந்தது என்பதுதான் அந்தச் செய்தி.

கடந்த பல மாதங்களாக இந்த விஷயம் நடந்து வந்தபோதிலும், ஈரானில் பத்திரிகைகளுக்கு உள்ள கட்டுப்பாடுகளால் மிகத் தாமதமாக இந்தச் செய்தி வெளியே கசிந்திருக்கிறது.

உடனே சட்டென்று பற்றிக் கொண்டது. ஈரானிய மற்றும் மேற்கத்திய செய்தி ஊடகங்கள் இதைப் பற்றி பரபரப்பாக விவாதிக்கத் தொடங்கிவிட்டன.