ഐഐടി ആഹാ അന്തസ്സ്

രാജ്യത്തെ മുൻനിര ഉന്നതവിദ്യാഭ്യാസ സ്ഥാപനങ്ങളെ പരിചയപ്പെടുത്തുന്ന പംക്തി ആരംഭിക്കുന്നു.

- പി.കെ.അൻവർ മുട്ടാഞ്ചേരി

ഇന്ത്യയിൽ സാങ്കേതിക വിദ്യാഭ്യാസ രംഗത്ത് ഏറ്റവും ഉയർന്ന നിലവാരം പുലർത്തുന്ന സ്ഥാപനങ്ങളാണ് ഇന്ത്യൻ ഇൻസ്റ്റിറ്റ്യൂട്സ് ഓഫ് ടെക്നോളജി അഥവാ ഐഐടികൾ. എൻജിനിയറിങ്, ശാസ്ത്രം, സാങ്കേതികവിദ്യ തുടങ്ങിയ മേഖലകളിൽ മികവുറ്റ വിദ്യാഭ്യാസം നൽകുകയാണ് ഈ സ്ഥാപനങ്ങളുടെ പ്രധാന ലക്ഷ്യം.

രാജ്യത്തിന്റെ സാമൂഹിക, സാമ്പത്തിക വികസനങ്ങളിൽ വലിയ സംഭാവനകൾ നൽകുന്ന മികച്ച പ്രഫഷനലുകളെയും ഗവേഷകരെയും രൂപപ്പെടുത്തുന്നതിൽ ഐഐടികൾക്കു വലിയ പങ്കുണ്ട്. മികച്ച അക്കാദമിക് അന്തരീക്ഷം, രാജ്യാന്തര നിലവാരത്തിലുള്ള അധ്യാപകർ, രാജ്യാന്തര മികവുള്ള പാഠ്യപദ്ധതി, വിപുലമായ ഗവേഷണ സൗകര്യങ്ങൾ, മികച്ച പ്ലേസ്മെന്റ് അവസരങ്ങൾ, വിദ്യാർഥികളുടെ സമഗ്രവികസനത്തിന് അനുയോജ്യമായ അന്തരീക്ഷം തുടങ്ങി ഐഐടികളുടെ പ്രത്യേകതകൾ ഏറെയാണ്.

പ്രോഗ്രാമുകൾ ഏറെ

വിവിധ ഐഐടികളിലായി ബിരുദ, ബിരുദാനന്തര ഗവേഷണ തലങ്ങളിൽ ഒട്ടേറെ പ്രോഗ്രാമുകളുണ്ട്. എൻജിനീയറിങ്ങിനു പുറമേ ശാസ്ത്രം, മാനവിക വിഷയങ്ങൾ, സാമൂഹിക ശാസ്ത്രം, നിയമം, ഡിസൈൻ, മാനേജ്മെന്റ് തുടങ്ങിയ മേഖലകളിലും മികച്ച പ്രോഗ്രാമുകൾ ഐഐടികളിലുണ്ട്. വിവിധ പ്രവേശനപ്പരീക്ഷകൾ വഴിയാണു പ്രവേശനം.

പ്രവേശനവഴികൾ