കേന്ദ്ര സർവീസിൽ 1340 ജൂനിയർ എൻജിനീയർ

SSC വിജ്ഞാപനം യോഗ്യത: എൻജിനിയറിങ് ബിരുദം/ഡിപ്ലോമ

- 

കേന്ദ്ര സർവീസിൽ ജൂനിയർ എൻജിനീയർ തസ്തികയിലേക്കുള്ള നിയമനങ്ങൾക്കു സ്റ്റാഫ് സിലക്ഷൻ കമ്മിഷൻ നടത്തുന്ന ജൂനിയർ എൻജിനീയർ (സിവിൽ, മെക്കാനിക്കൽ, ഇലക്ട്രിക്കൽ) പരീക്ഷ 2025 ന് അപേക്ഷ ക്ഷണിച്ചു. സ്ത്രീകൾക്കും അവസരമുണ്ട്. ഗ്രൂപ്പ് ബി നോൺ ഗസറ്റഡ്, നോൺ മിനിസ്റ്റീരിയൽ തസ്തികയാണ്. ജൂലൈ 21 വരെ ഓൺലൈനായി അപേക്ഷിക്കാം. നിലവിൽ 1,340 ഒഴിവുണ്ട്. വർധന ഉണ്ടായേക്കും.

ഒഴിവുള്ള വിഭാഗങ്ങൾ:

ബോർഡർ റോഡ്സ് ഓർഗനൈസേഷൻ (ബിആർഒ), സെൻട്രൽ പബ്ലി ക് വർക്സ് ഡിപ്പാർട്മെന്റ് (സിപിഡബ്ല്യുഡി), സെൻട്രൽ വാട്ടർ കമ്മിഷൻ, ഫറാക്കാ ബറാജ് പ്രോജക്ട്, മിലിറ്ററി എൻജിനീയർ സർവീസസ് (എംഇഎസ്), നാഷനൽ ടെക്നിക്കൽ റിസർച് ഓർഗനൈസേഷൻ (എൻടിആർഒ), ബ്രഹ്മപുത ബോർഡ്, മിനിസ്ട്രി ഓഫ് ജൽശക്തി, സെൻ ട്രൽ വാട്ടർ ആൻഡ് പവർ റിസർച് സ്റ്റേഷൻ, ഡിജിക്യുഎ നേവൽ, മിനിസ്ട്രി ഓഫ് ഡിഫൻസ്. ബോർഡർ റോഡ്സ് ഓർഗനൈസേഷനിലേക്കു പുരുഷൻമാർക്കു മാത്രമാണ് അപേക്ഷിക്കാൻ അർഹത.