അസി. പ്രഫസർ തസ്തികയിൽ നിയമന നിരോധനം

26 വിഷയങ്ങളിലെ റാങ്ക് ലിസ്റ്റുകളിൽ നടന്നത് 147 നിയമന ശുപാർശ മാത്രം

- ഷാജി പൊന്നോല

കോളേജ് അധ്യാപക (അസിസ്റ്റന്റ് പ്രഫസർ) റാങ്ക് ലിസ്റ്റുകളിൽ നിയമന നിരോധന സാഹചര്യം. 26 വിഷയങ്ങളിലായി നിലവിലുള്ള പിഎസ്സി റാങ്ക് റാങ്ക് ലിസ്റ്റുകളിൽ നിന്ന് ഇതുവരെ നടന്നത് 147 നിയമന ശുപാർശ മാത്രമാണ്.

പുതിയ തസ്തിക സൃഷ്ടിക്കുന്നതിൽ കടുത്ത നിയന്ത്രണം ഏർപ്പെടുത്തിയതിനെ തുടർന്നാണ് നിയമനം വലിയതോതിൽ കുറഞ്ഞത്. സർക്കാർ കോളജുകളിൽ വർഷങ്ങൾക്കു മുൻപ് ആരംഭിച്ച കോഴ്സുകൾക്കു പോലും അധ്യാപക തസ്തിക സൃഷ്ടിക്കുന്നില്ല. 5 വർഷത്തേക്ക് അധ്യാപക നിയമനം പാടില്ലെന്ന വ്യവസ്ഥയിലായിരുന്നു 2020-2021 അധ്യയന വർഷം അൻപതിലധികം കോഴ്സുകൾ വിവിധ കോളജുകളിൽ അനുവദിച്ചത്. ഈ കാലപരിധി കഴിഞ്ഞിട്ടും പുതിയ അധ്യാപക തസ്തിക സൃഷ്ടിക്കാനോ നിയമനം നടത്താനോ കോളജ് വിദ്യാഭ്യാസ വകുപ്പ് കൂട്ടാക്കുന്നില്ല. വർഷങ്ങളായി ഗെസ്റ്റ് അധ്യാപകരാണ് ക്ലാസുകൾ കൈകാര്യം ചെയ്യുന്നത്.