ഓടിയൊളിക്കുന്ന അമ്പിളിമാമൻ

ഭൂമിയും ചന്ദ്രനും പരസ്പരം ആകർഷിക്കുന്നുണ്ട് എന്ന് നമുക്കറിയാം

- എൻ. സാനു

രാത്രിയാകാശത്ത് പ്രകാശം നിറയ്ക്കുന്ന നമ്മളുടെ സ്വന്തം അമ്പിളിമാമനെ നമുക്കെല്ലാം വളരെ ഇഷ്ടമാണ്. ഭൂമിയെ ചുറ്റിക്കറങ്ങുന്നതിനിടയിൽ അമ്പിളിമാമൻ നമ്മളിൽ നിന്നും അകന്നകന്നു പോവുകയാണ് എന്ന് നിങ്ങൾക്കറിയാമോ? അതെ, ഓരോ വർഷവും ചന്ദ്രൻ ഭൂമിയിൽ നിന്നും മെല്ലെ മെല്ലെ അകലേക്ക് പോയ്ക്കൊണ്ടിരിക്കുന്നു.

ഒരിക്കൽ നമുക്ക് അമ്പിളിമാമനെ കാണാനാകാതെ വരുമോ?

വർഷത്തിൽ 3.8 സെന്റീമീറ്റർ വച്ച് ചന്ദ്രൻ ഭൂമിയിൽ നിന്ന് അകലുകയാണ്. ഭൂമിയും ചന്ദ്രനുമായുള്ള ദൂരം വച്ചു നോക്കിയാൽ ഇത് വളരെ വളരെ ചെറിയ ഒരു ദൂരമാണ്. ഒരു ചെറിയ സേഫ്റ്റി പിന്നിന്റെ അത്രയും മാത്രം. അതിനാൽ അടുത്ത കാലത്തൊന്നും ചന്ദ്രൻ ഭൂമിയെ വിട്ടുപിരിയും എന്ന് പേടിക്കേണ്ടതില്ല. ഏകദേശം നൂറ് കോടി വർഷമെങ്കിലും കഴിഞ്ഞാലേ ഭൂമിയിൽ നിന്ന് നോക്കുന്നവർക്ക് ചന്ദ്രന്റെ വലിപ്പത്തിൽ കാര്യമായ വ്യത്യാസം വന്നതായി തോന്നുകയുള്ളു. അതായത്, ഇതൊക്കെ വളരെ, വളരെ വളരെ കാലങ്ങൾക്കുശേഷം മാത്രം സംഭവിക്കുന്ന കാര്യമാണ്. അതിനാൽ ഇപ്പോൾ നമ്മൾ അതേപ്പറ്റി ആലോചിച്ച് വിഷമിക്കേണ്ട കാര്യമില്ല.

ചന്ദ്രന്റെ പിരിഞ്ഞുപോക്ക് മനസ്സിലാക്കിയതെങ്ങനെ?