స్కూల్లో తొలి రోజు

జోజో, మోజోలు కవల పులులు. మొదటి రోజు స్కూల్కు వెళ్తున్నారు. మోజో ఉత్సాహంగా ఉంటే, జోజో మాత్రం భయపడ్డాడు

- కథ ఆశిమా కౌశిక్

జోజో, మోజోలు కవల పులులు. మొదటి రోజు స్కూల్కు వెళ్తున్నారు. మోజో ఉత్సాహంగా ఉంటే, జోజో మాత్రం భయపడ్డాడు. వారి దగ్గర కొత్త బ్యాగులు, లంచ్ బాక్సులు ఉన్నాయి. కొత్త బూట్లు వేసుకున్నారు. కొత్త బూట్లను మోజో ఇష్టపడ్డాడు కానీ జోజోకి బూట్ల శబ్దం భయాన్ని కలిగించింది.

వారి స్కూల్కు చెందిన రోమా ఒంటె జోజోను ఉత్సాహ పరిచేందుకు ప్రయత్నించింది. “ఇది కేవలం ప్లే స్కూల్. ఇక్కడ చాలా సరదాగా ఉంటుంది" అని చెప్పింది. వారు మామిడి చెట్టు దగ్గరికి వెళ్లి ఆగారు.

“మిగతా వాళ్లు వచ్చేంత వరకు వేచి చూద్దాం. తర్వాత అందరం స్కూల్కి వెళదాం”.

“స్కూల్ చాలా దూరమా?" అడిగాడు మోజో.

“లేదు, దగ్గర్లోనే, మూల మలుపులో ఉంది" రోమా తన కొత్త 'యో-యో'తో ఆడుకుంటూ బదులిచ్చింది.

ఇంతలో షోనా గొర్రె, కోకో పిల్లి, దొన్నా బాతు అక్కడికి వచ్చారు.

"పదండి వెళ్లాం" అని దొన్నా బాతు ముందుకు సాగాడు.

"టోటో తాబేలు కోసం వేచి చూద్దాం. ఏ నిమిషంలోనైనా అతడు ఇక్కడికి రావచ్చు" చెప్పాడు షోనా. టోటో నెమ్మదిగా నడవటాన్ని వారు చూసారు.

“ఇతనెప్పుడూ నెమ్మదిగా ఉంటాడు. మనల్ని ఆలస్యం చేస్తాడు" అన్నాడు కోకో.

అకస్మాత్తుగా వారికి ఒక పెద్ద శబ్దం వినిపించింది. అది వింపీ హిప్పో అరుపు.

“నా దారికి అడ్డు తొలగండి" అంటూ వింపీ హడావుడిగా టోటోను దాటేసి అతన్ని నెట్టేసాడు. టోటో బ్యాలెన్స్ తప్పి దాదాపుగా గుంతలో పడబోయాడు కానీ పైడొప్ప అతన్ని రక్షించింది.