പവറും പ്രതാസുമായി 3എക്സ്ഒ

കിടിലൻ ഫീച്ചേഴ്സും കുറഞ്ഞ വിലയുമായി എക്സ്യുവി 300യുടെ പരിഷ്കരിച്ച പതിപ്പ് വിപണിയിൽ

- നോബിൾ എം. മാത്യു

വാഹനവിപണിയിൽ ഏറ്റവും കൂടുതൽ ഡിമാൻഡുള്ള വാഹനങ്ങളാണ് ഇന്ന് കോംപാക്റ്റ് SUV നിരയിലുള്ളത്. മാരുതി ബസ്, ടാറ്റ നെക്സോൺ, കിയ സോണറ്റ്, ഹ്യുണ്ടേയ് വെന്യു, റെനോ കൈഗർ, നിസ്സാൻ മാഗ്നെറ്റ്, മഹീന്ദ്ര എക്സ് യുവി 300 എന്നിവർ കട്ടയ്ക്കാണു മത്സരം. വിൽപനയിൽ മുൻനിരയിലുള്ള ബസയുടെയും നെക്സോണിന്റെയും കുതിപ്പിനു കടിഞ്ഞാണിടാൻ മഹീന്ദ്ര എക്സ് യു വി 300(തീ ഡബിൾ ഒ)യെ പരിഷ്കരിച്ചിറക്കിയിരിക്കുകയാണ്. 3എക്സ്ഒ(3XO) എന്ന പുതിയ പേരിനൊപ്പം ഡിസൈനിലും ഫീച്ചേഴ്സിലും കാര്യമായ പരിഷ്കാരത്തോടെയാണു വരവ്. ലോഞ്ച് ചെയ്തതിനു പുറകെ നെക്സോണിന്റെ കുറഞ്ഞ വിലയുള്ള വേരിയന്റ് ടാറ്റ അവതരിപ്പിച്ചതും മറ്റു വേരിയന്റുകളുടെ വില കുറച്ചതും മത്സരം കടുപ്പമാകും എന്നാണ് വെളിവാക്കുന്നത്. മഹാരാഷ്ട്രയിലെ നാസിക്കിൽ നടന്ന മീഡിയാ ഡ്രൈവിൽ നിന്ന്...

ഫ്യൂച്ചറിസ്റ്റിക് ഡിസൈൻ

ഇലക്ട്രിക് കാറുകൾക്കു മാത്രം മതിയോ ഫ്യൂച്ചറിക് ഡിസൈൻ? ഐസിഇ മോഡലുകൾക്കും ആകാം എന്നു കാണിച്ചുതന്നത് ടാറ്റയാണ്, നെക്സോണിലൂടെ. അതേ പാതയിലാണ് 3എക്സ്ഒയും. മുൻവശവും പിൻഭാഗവും കാര്യമായി അഴിച്ചു പണിതു. പിയാനോ ബ്ലാക് ഫിനിഷിലുള്ള വലിയ ഗിൽ. ഇതിലെ ഡയമണ്ട് ഡീറ്റെയ്ലിങ് കൊള്ളാം. വാഹനത്തിന്റെ പുറത്തും അകത്തും ഇതു കാണാം. ബൈ ഹാലജൻ പ്രൊജക്ടർ ഹെഡ്ലാംപാണ്. എൻഇഡി ഡിആർഎല്ലും (ഡേ ടൈം റണ്ണിങ് ലാംപ്) ഫോഗ്ലാംപുമെല്ലാം ഒറ്റ ക്ലസ്റ്ററിൽ സെറ്റ് ചെയ്തിരിക്കു ന്നതു കാണാൻ രസമുണ്ട്. വലിയ എയർഡാം. എക്സ് യു വിയുടെ ഗമ നൽകുന്ന ബ്ലാക് കളർ ക്ലാഡിങ് വാഹനത്തിനു ചുറ്റുമുണ്ട്. വലിയ വീൽ ആർച്ചുകൾ. 17 ഇഞ്ച് ഡയമണ്ട് കട്ട് അലോയ് വീലുകൾ സെഗ്മെന്റിൽ മറ്റാർക്കുമില്ല. എക്സ് യുവി 700യുടെ അത്രയും അപ്രോച്ച് ആംഗിളുണ്ട് (23.6 ഡിഗ്രി). ഡിപാർചർ ആംഗിളും (39.6 ഡിഗ്രി) വാട്ടർ വേഡിങ് ഡെ (350 എംഎം) ബോണറ്റിന്റെ നീളവുമെല്ലാം (1033 എംഎം) സെഗ്മെന്റിലെ ഏറ്റവും മികച്ചത്.

ക്ലാസ് ഇന്റീരിയർ