நலமருள வந்த நாரணன் அவதாரம்!

எப்போதெல்லாம் தர்மம் நசிந்து அதர்மம் தலையெடுக்கிறதோ அப்போதெல்லாம் பகவான் மஹாவிஷ்ணு அவதரித்து அதர்மத்தை அழித்து, தர்மத்தை நிலைநாட்டுகிறார். அந்த வகையில் பகவான் எடுத்த ஒன்பது அவதாரங்களில் இரண்டாவது அவதாரம்தான் கூர்மாவதாரம்.

- எம்.கோதண்டபாணி

கூர்மம் என்றால் ஆமை எனப் பொருள். பகவான் மஹாவிஷ்ணு எடுத்த இந்த அவதாரத்துக்குத் தனிப் பெருமை உண்டு. அதாவது, கூர்மாவ தாரத்தில் அசுரர்கள் எவரையும் பகவான் வதைக்கவில்லை. மாறாக, தேவரும் மூவரும் யாவரும் நலம் பெற வேண்டி, உலகுக்குப் பல்வேறு செல்வங்களைக் கொடுத்து உதவக் காரணமாக அமைந்தது இந்த அவதாரம்.