ரஜினிகாந்த் அரசியல்வாதியாகிறாரா?

ரஜினிகாந்த், தான் நடித்துள்ள திரைப்படங்களில் திரைப்படங்களில் இடம்பெற்றுள்ள சஸ்பென்ஸ் காட்சிகளைப் போலவே, தனது அரசியல் பிரவேசத்தையும் சுவாரசியமான சஸ்பென்ஸாக இத்தனை காலமும் வைத்திருந்தார். அவ்வப்போது தனது ரசிகர்களைச் சந்தித்துக் கட்சி தொடங்குவதைப் பற்றிப் பேசிவந்தார். 1996 முதலே தான் கலந்து கொள்ளும் சினிமா உலக நிகழ்ச்சிகளில் சிறுசிறு அரசியல் விஷயங்களைப் பேசுவதை வழக்கமாகவே கொண்டிருந்தார். அவரது அரசியல் பேச்சுக்கள் ஊடக உலகத்துக்கு அவ்வப்போது தீனியளித்தன. அவரைச் சந்திக்கும்போதெல்லாம் செய்தியாளர்கள் அரசியல் பிரவேசத்தைப் பற்றிக் கேட்பதை வாடிக்கையாகக் கொண்டிருந்தனர்.

- வண்ணநிலவன்

அவரது ரசிகர்களும், ஊடகங்களினால் ஊதிப்பெருக்கப்பட்ட அவரது அரசியல் பிரவேசம் நிகழ வேண்டுமென்று விரும்பினர். தனது திருமண மண்டபத்தில் ரசிகர்களைச் சந்தித்துப் பேசுவதைக் கடந்த சில ஆண்டுகளாக ரஜினி ஒரு வழக்கமாகக் கொண்டிருந்தார். அந்த ரசிகர்கள் சந்திப்புகளில் சூசகமாகவும் சமயங்களில் வெளிப்படையாகவும் கட்சியை அல்லது ஓர் அமைப்ப&#