பெறாத பிள்ளை!

எழுபது காலங்களில் கால்நடை மருத்துவக் கல்லூரி வகுப்புகளில், பெண்கள் பயில்வதென்பதும், குறிஞ்சிப்பூ மலர்வதென்பதும் ஒன்றுதான். எங்களது வகுப்பறையும் அப்படித்தான். எங்கள் வகுப்பில் பயின்ற மொத்தம் நூற்றுக்கும் மேற்பட்ட மாணவர்களில் நாங்கள் ஆறு பேர் மட்டுமே பெண்கள்! நான் படித்த சென்னை கால்நடை மருத்துவக் கல்லூரியிலேயே கால்நடை ஈனியல் துறையில் இப்போதுதான் பேராசிரியராகப் பணியில் சேர்ந்தது போலுள்ளது, ஆனால் கிட்டத்தட்ட முப்பத்து மூன்றாண்டுகள் கடந்தோடிவிட்டன.

- மருத்துவர் செசிலியா ஜோசப்

ஒரு மருத்துவராக கால்நடைகளுக்கு சிகிச்சை அளித்து, அவற்றின் உற்பத்தியைப் பெருக்குவதில் பங்காற்றுவதே எனக்கு மகிழ்ச்சி அளிப்பதாக இருந்தது. அதிலும் குறிப்பாக எனக்கு மாடுகளிடத்திலும், அவற்றைக் கொண்டுவரும் விவசாயிகளிடத்திலும் கொஞ்சம் இயல்பாகவே ஈடுபாடு இருந்துள்ளது. ஏனெனில், மாடுகள்தான் அவற்றை வளர்க்கும் விவசாயிகளின் வாழ