Chandrika Weekly - June 15, 2023

Bu sayıda

'സാരെ ജഹാം സെ അച്ഛാ...'യുടെ രചയിതാവും വിഖ്യാത കവിയും ചിന്തകനുമായ അല്ലാമ മുഹമ്മദ് ഇഖ്ബാലിനെ സിലബസില്‍നിന്നും ഒഴിവാക്കി ഡല്‍ഹി യൂണിവേഴ്‌സിറ്റി നരേന്ദ്രമോദി ഗവണ്‍മെന്റിനോട് കൂറും ഭക്തിയും പ്രകടിപ്പിച്ചിരിക്കുകയാണ്. തീരുമാനം സംബന്ധിച്ച് ഈയിടെയാണ് ഡല്‍ഹി യൂണിവേഴ്‌സിറ്റി അക്കാദമിക് കൗണ്‍സില്‍ പ്രമേയം പാസാക്കിയത്. ബി.എ ആറാം സെമസ്റ്ററിലെ 'മോഡേണ്‍ ഇന്ത്യന്‍ പൊളിറ്റിക്കല്‍ തോട്ട്' എന്ന അധ്യായമാണ് വിദ്യാര്‍ത്ഥികള്‍ക്ക് പഠിക്കാനുണ്ടായിരുന്നത്. ഇത് ഒഴിവാക്കുന്നതിനാണ് യൂണിവേഴ്‌സിറ്റിയുടെ തീരുമാനം. സംഘപരിവാര്‍ ഈ നീക്കത്തെ സ്വാഗതം ചെയ്തുകഴിഞ്ഞു.
സംഘപരിവാറിന് അനിഷ്ടകരമായ ചരിത്രത്തെ പാഠപുസ്തകങ്ങളില്‍നിന്ന് നീക്കം ചെയ്യുന്ന പ്രവണത 2014മുതല്‍ സജീവമാണ്. അതിന് ആക്കം കൂടിക്കൊണ്ടിരിക്കയാണിപ്പോള്‍. ഇഖ്ബാലിനെതിരായ നീക്കത്തിന് മുന്‍പ്തന്നെ എന്‍.സി.ആര്‍.ടിയുടെ പാഠപുസ്തകത്തില്‍നിന്ന് മുഗള്‍ചരിത്രം, ജനാധിപത്യം, ബഹുസ്വരത തുടങ്ങിയ പാഠങ്ങള്‍ ഒഴിവാക്കിയിരുന്നു. മുഗള്‍ സാമ്രാജ്യവുമായി ബന്ധപ്പെട്ട അധ്യായങ്ങളും മഹാത്മാ ഗാന്ധി വധവും ആര്‍എസ്എസ് നിരോധനവും സ്വതന്ത്ര ഇന്ത്യയിലെ ആദ്യ വിദ്യാഭ്യാസ മന്ത്രി മൗലാന അ
ബുള്‍ കലാം ആസാദിനെക്കുറിച്ചുള്ള പരാമര്‍ശങ്ങളും ഗുജറാത്ത് കലാപം, പരിണാമസിദ്ധാന്തം എന്നിങ്ങനെ മറ്റു ചില ഭാഗങ്ങളും ഒഴിവാക്കപ്പെട്ടിരുന്നു. പുതിയ തലമുറയിലേക്ക് വിദ്വേഷത്തിന്റെ വിത്തുകള്‍ പാകുന്നതിന് തെറ്റായ ചരിത്രം പാഠപുസ്തകത്തില്‍ കുത്തിനിറക്കുകയാണ്. വൈവിധ്യങ്ങളെ മുഴുവന്‍ ഇല്ലായ്മ ചെയ്ത് അക്കാദമിക് മേഖലയില്‍ മുഴുവന്‍ ഹിന്ദുത്വ ആശയങ്ങളും അന്ധവിശ്വാസങ്ങളും മതിയെന്നാണ് സംഘപരിവാര്‍ തീരുമാനിക്കുന്നത്. ഈ പശ്ചാത്തലത്തില്‍ അല്ലാമാ ഇഖ്ബാലിന്റെ ജീവിതവും കാവ്യദര്‍ശനവും പരിചയപ്പെടുത്തുകയാണ് ഈ പ്രത്യേക ലക്കത്തില്‍.