హిమాలయాల ఔన్నత్యం

ప్రపంచంలో సుందరమైన పర్వత శ్రేణిగానే కాక ఎత్తయిన పర్వత శిఖరాలలో ద్విగుణీకృత అందాలు విరజిమ్ముతూ భాసిల్లుతున్నాయి.

- షేక్ అబ్దుల్ హకీం జాని

ప్రపంచంలో సుందరమైన పర్వత శ్రేణిగానే కాక ఎత్తయిన పర్వత శిఖరాలలో ద్విగుణీకృత అందాలు విరజిమ్ముతూ భాసిల్లుతున్నాయి. ఆసియాలోని హిమాలయ పర్వతాలు.ఇ కారాకోరం, హిందూకుష్, తోబా కాకర్, చిన్న పర్వత శ్రేణులైన పామిర్ కోట్ వరకు వ్యాపించి ఉన్నాయి.ఉపఖండాన్ని టిబెట్ పీఠభూమిని వేరు చేస్తున్నాయి. మన దేశంలో ముత్యాల హారంలా అర్ధ చంద్రాకారంలో శ్వేత వర్ణంతో 2,400 కి.మీ. పొడవు, 400 కి.మీ. వెడల్పుతో హిమాలయాలు వ్యాపించి మెరిసిపోతూ కనిపిస్తాయి. హిమాలయ పర్వత పంక్తులు ప్రపంచంలోనే ఎత్తయినవి. వీటిలో ఎవరెస్టు పర్వతం, కాంచనగంగ మొదలుకొని అనేక శిఖరాలున్నాయి.ఈ పర్వత పంక్తుల్లో సుమారు నూరు శిఖరాలు 7,200 మీటర్ల ఎత్తుకు మించి వున్నాయి.హిమాలయ పర్వతాలు భారతదేశానికి ఉత్తరాన నెలకొని ఉన్నాయి. ఇంతటి అద్భుతమైన మంచు శిఖరాల పుట్టుక కొన్ని మిలియన్ల సం|| క్రితం జరిగి ఉంటుందని పరిశోధకుల అంచనా.భూటాన్, చైనా, భారతదేశం, నేపాల్, పాకిస్తాన్ ఇత్యాది అయిదు దేశాలలో వ్యాపించి వున్న హిమాలయాలు సింధు, గంగ, బ్రహ్మపుత్ర మొదలైన స్వచ్ఛమైన నదులకు పుట్టినిల్లు. టిబెట్వారు హిమాలయాలను 'క్యూమోలంగ్మా' అని పిలుస్తారు. అంటే ప్రపంచానికే తల్లిదేవత అని అర్థం. ఎవరెస్ట్ పర్వతాన్ని మన దేశంలో కొన్ని ప్రాంతాలవారు సాగరమాత అని పిలుస్తారు. హిమాలయాలలో ప్రపంచంలోనే ఎత్తయిన పర్వత శిఖరాలు వందకు పైగా ఉన్నాయని అంచనా. వాటిలో ఎవరెస్ట్ శిఖరం అన్నింటికంటే ఎత్తయినదిగా భాసిల్లుతోంది.

ఎవరెస్టు ఆ పేరు ఎలా వచ్చింది?