నిజం, ధర్మం

నిజం, ధర్మం

- యామిజాల జగదీశ్

ఎల్లప్పుడూ నిజమే మాట్లాడాలి.. అదే చెప్పాను.

వెంటనే ఆ మనిషి నాతో గొడవకు దిగాడు.

“సార్, మీ ఉపదేశాలు విని మోసపోయే వారెవరైనా ఉంటే వారికి చెప్పుకోండి.. నాకక్కర్లేదు మీ ఉపదేశాలు. నన్నొదలండి బాబూ” అని అక్కడి నుంచి వేగంగా నడవటం ప్రారంభించాడు.

కానీ.. నేను ఊరుకుంటానా ఏమిటీ? ఊరుకోను.

"ఏమిటి విషయం? విషయం పూర్తిగా చెప్పింతర్వాత పరిగెత్తండి" అని చెప్పాను.

ఆయన అన్నాడు కదా..

“ఇదిగో, గత వారం రైల్వే స్టేషన్లో ఓ.పెద్ద సూట్ కేసుతో నిల్చున్నాను. పక్కనే ఒకరు నిల్చున్నారు. ఆయనతో "సార్! ఈ సూట్ కేసుని కాస్సేపు చూసుకోండి.

అదిగో అక్కడికి వెళ్లి నీళ్లు తాగొస్తాను" అన్నాను.వెంటనే ఆయన “సరే” ని అన్నారు.

ఆయన అలా అనడంతో నేను వెళ్లి నీళ్లు తాగొచ్చేసరికి సూట్కేసూ లేదు, చూసుకుంటానన్న మనిషీ లేడు” అన్నాడు.

"అయ్యో పాపం” అన్నాను నేను.

“నిజమే మాట్లాడాలి అని చెప్తున్నారు.కదా... అందువల్ల ఎదురయ్యేవి కష్టాలే" అన్నాడు.

"ఎలా ?" అడిగాను.

 “షూట్కేసుని చూసుకోమని చెప్పడంతో ఆ మనిషి పెట్టెలో ఏముందని?” అడిగాడు.