தேர்தல் பத்திர எண்களைச் சமர்ப்பிக்க வேண்டும்

எஸ்பிஐ-க்கு உச்சநீதிமன்றம் உத்தரவு

தேர்தல் நன்கொடை பத்திர வரிசை எண்கள் குறித்த விவரங்களையும் பாரத ஸ்டேட் வங்கி (எஸ்பிஐ) சமர்ப்பிக்க வேண்டும் என்று உச்சநீதிமன்றம் வெள்ளிக்கிழமை உத்தரவு பிறப்பித்தது.

மேலும், இந்த விவரத்தைச் சமர்ப்பிக்காதது குறித்து விளக்கமளிக்கு மாறு எஸ்பிஐ-க்கு நோட்டீஸ் பிறப்பித்தும் உச்சநீதிமன்ற நீதிபதிகள் உத்தரவிட்டனர்.

உச்சநீதிமன்ற உத்தரவின்படி, தேர்தல் நன்கொடை பத்திரங்கள் விநியோக விவரங்களை இந்திய தேர்தல் ஆணையத்துக்கு எஸ்பிஐ கடந்த 12ஆம் தேதி அனுப்பியது.

இந்த விவரங்களை தேர்தல் ஆணையம் தனது வலைதளத்தில் வியாழக்கிழமை மாலை வெளியிட்டது.பாரத ஸ்டேட் வங்கி சமர்ப்பித்த தேர்தல் நன்கொடை பத்திர விநியோக விவரங்கள்' என்ற தலைப்பின் கீழ் பத்திரங்களை வாங்கிய நிறுவனங்கள், தனிநபர்கள் மற்றும் அதை பணமாக மாற்றிய அரசியல் கட்சிகள் என தனித்தனியாக இரு பட்டியல்களை தேர்தல் ஆணையம் தனது வலைதளத்தில் வெளியிட் டது.