அமெரிக்க 'ட்ரோனை' இடைமறித்த ரஷிய போர் விமானங்கள்

உக்ரைன் அருகே கருங்கடல் பகுதியில் ரஷிய போா் விமானங்களால் இடைமறிக்கப்பட்ட அமெரிக்காவின் ஆளில்லா உளவு விமானம் (ட்ரோன்) கருங்கடலில் விழுந்து நொறுங்கியது பரபரப்பை ஏற்படுத்தியுள்ளது.

உக்ரைன் போா் விவகாரத்தில் அமெரிக்காவுக்கும் ரஷியாவுக்கும் இடையே ஏற்கெனவே பதற்றம் நிலவி வரும் சூழலில், இந்த சம்பவம் பதற்றத்தை மேலும் அதிகரித்துள்ளதாகக் கூறப்படுகிறது.

இது குறித்து செய்தியாளா்களிடம் அமெரிக்க பாதுகாப்புத் துறை அமைச்சக செய்தித் தொடா்பாளா் பேட்ரிக் ரைடா் கூறியதாவது:

கருங்கடலுக்கு மேலே சா்வதேச வான் எல்லையில் அமெரிக்காவின் எம்க்யூ-9 ரீப்பா் வகை ஆளில்லா விமானம் தனது வழக்கமான ரோந்துப் பணியில் செவ்வாய்க்கிழமை ஈடுபட்டிருந்தது.

அப்போது அந்த விமானத்தை ரஷிய விமானப் படைக்குச் சொந்தமான இரு ‘எஸ்யு-27’ போா் விமானங்கள் இடைமறித்தன.

வான் பகுதியில் ஆளில்லா விமானங்களை ரஷிய விமானங்கள் இடைமறிப்பது அபூா்வமான நிகழ்வில்லை. இருந்தாலும், இந்த குறிப்பிட்ட சம்பவத்தில் எம்க்யூ-9 ரீப்பா் விமான இறக்கையின் சுழலும் விசிறிகள் மீது ரஷிய விமானம் மோதி அவற்றை சேதப்படுத்தியது.

இதனால் அந்த ஆளில்லா விமானத்தால் அதற்கு மேல் பறக்க முடியாத நிலை ஏற்பட்டது.

அதையடுத்து, அந்த விமானத்தை கடலில் வீழச் செய்தோம் என்றாா் அவா்.

வெள்ளை மாளிகை தேசிய பாதுகாப்பு செய்தித் தொடா்பாளா் ஜான் கிா்பி கூறுகையில், இந்தச் சம்பவம் குறித்து அதிபா் ஜோ பைடனிடம் தேசிய பாதுகாப்பு ஆலோசகா் ஜேக்கப் சுல்லிவன் விளக்கமாக எடுத்துரைத்ததாகத் தெரிவித்தாா்.

இந்த விவகாரம் குறித்து வெளியுறவுத் துறை அதிகாரிகள் ரஷிய அதிகாரிகளுடன் நேரடியாகத் தொடா்பு கொண்டு, ரஷிய விமானிகளின் ‘பாதுகாப்பற்ற, ஆபத்தான, பணிநோ்த்தியற்ற’ செயல் குறித்து கண்டனம் தெரிவிப்பாா்கள் என்று அவா் கூறினாா்.