அர்ப்பணிப்புடன் செயல்படுவது அவசியம்

பாஜகவினருக்கு பிரதமர் மோடி அறிவுறுத்தல்

'மிகச் சிறந்த சகாப்தத்தை இந்தியா எதிர் நோக்கியுள்ளது; எனவே, தேசத்தின் வளர்ச்சிக்காக நம்மை அர்ப்பணிக்க வேண்டும்' என்று பாஜக செயற்குழுக் கூட்டத்தில் பிரதமர் நரேந்திர மோடி பேசினார். மேலும், 'சிறுபான்மையினர் உள்பட சமூகத்தின் அனைத்துத் தரப்பினரையும் பாஜகவினர் அணுக வேண்டும்' என்றும் அவர் அறிவுறுத்தினார்.

தில்லியில் இரண்டு நாள்கள் நடைபெற்ற பாஜக தேசிய செயற்குழுக் கூட்டம் செவ்வாய்க்கிழமை நிறைவடைந்தது. அடுத்த ஆண்டு மக்களவைத் தேர்தல் நடைபெறவிருக்கும் நிலையில், கட்சி ரீதியில் முக்கியத்துவம் வாய்ந்த இக்கூட்டத்தில் பிரதமர் மோடி உரையாற்றினார். அப்போது, சமூகத்தின் அனைத்துத் தரப்பினரையும் பாஜக அணுக வேண்டியதன் அவசியம் குறித்து அவர் எடுத்துரைத்ததாக, மகாராஷ்டிர துணை தேவேந்திர ஃபட்னவீஸ் செய்தியாளர்களிடம் தெரிவித்தார்.