குடும்பத்தில் ஒருவருக்கே வாய்ப்பு

காங்கிரஸ் முடிவு

உதய்பூர், மே 15: காங்கிரஸ் கட்சியை சீரமைக்கும் நோக்கில் 'ஒரு நபர் ஒரு பதவி', 'ஒரு குடும்பம் - ஒரு சீட்டு ஆகிய நடைமுறைகள் கடைப்பிடிக்கப்படவுள்ளதாக உதய்பூர் தீர்மானத்தில் தெரிவிக்கப்பட்டுள்ளது.

அதன்படி, தேர்தலில் போட்டி ஒரு குடும்பத்தில் ஒருவருக்கே வாய்ப்பு அளிக்கப்படும்; இரண்டாவது நபருக்கு வாய்ப்பு வழங்கப் பட வேண்டுமானால் அவர் 5 ஆண்டுகள் கட்சிப் பணியாற்றியிருக்க வேண்டும் என அத்தீர்மானத்தில் குறிப்பிடப்பட்டுள்ளது.

பல மாநில தேர்தல்களில் தொடர் தோல்வியைச் சந்தித்ததையடுத்து, காங்கிரஸில் சீர்திருத்தம் தொடர்பாக 'சிந்தனை அமர்வு நிகழ்ச்சி, ராஜஸ்தானின் உதய்பூரில் நடை பெற்று வந்தது. எதிர்வரவுள்ள பேரவைத் தேர்தல்கள், 2024 மக்களவைத் தேர்தல் ஆகியவற்றை எதிர்கொள்வது தொடர்பாக அதில் விரிவாக விவாதிக்கப்பட்டது.