തുടങ്ങാം ന്യൂജെൻ നഴ്സറി

ഷോപ്പിങ് കോംപ്ലക്സിലോ മാളിലോ തുടങ്ങാം ചെടികൾ വിൽക്കുന്ന സംരംഭം

- ജേക്കബ് വർഗീസ് കുന്തറ റിട്ട. പ്രഫസർ, ബോട്ടണി വിഭാഗം, ഭാരത് മാത കോളജ് എറണാകുളം

എവിടെ നോക്കിയാലും മാളുകളും ഷോപ്പിങ് കോംപ്ലസും ഉയരുകയാണ്. ഭംഗിയുള്ള ചെടികളോട് ഇഷ്ടമുണ്ടെങ്കിൽ ഷോപ്പിങ് കോംപ്ലക്സിലോ മാളിലോ ചെടികൾ വിൽക്കുന്ന ഷോപ്പ് തുടങ്ങിയാലോ? ഒപ്പം പൂന്തോട്ടത്തിലേക്കു വേണ്ട കാര്യങ്ങളെല്ലാം ഒരുക്കിക്കോളൂ. മനസ്സിനിഷ്ടമുളള ജോലി ചെയ്യാം. കൈ നിറയെ പണവും നേടാം.

ഒരുക്കാം മോഹിപ്പിക്കും പച്ചപ്പ്

നൂറ് നൂറ്റൻപതു ചതുരശ്ര അടി സൗകര്യമാണു മാളിലോ ഷോപ്പിങ് കോംപ്ലക്സിലോ ചെടികൾ വിൽക്കുന്ന ഷോപ്പ് ഒരുക്കാൻ വേണ്ടത്. അകത്തള അലങ്കാരച്ചെടികൾക്കൊപ്പം നടീൽ മിശ്രിതം, പെബിൾ പോലെയുള്ള അലങ്കാരവസ്തുക്കൾ തുടങ്ങിയവയും ഒരുക്കണം.

അകലെ നിന്നു കാണുമ്പോൾ പോലും ചെടികൾ വിൽക്കുന്ന ഇടമാണെന്നു മനസ്സിലാക്കാവുന്ന തരം ഗ്ലാസ്, ഷെൽഫ്, ചെടികൾക്കായുള്ള സ്റ്റാൻഡ് ഇവയെല്ലാം ഉപയോഗിച്ചാണ് ഇത്തരം സ്റ്റോർ നിർമിക്കേണ്ടത്.