മാറ്റുള്ള മാറ്റമല്ലേ വിജയം

വനിത മിസ് കേരള കിരീടവിജയത്തിനു ശേഷം ജീവിതത്തിൽ വന്ന മാറ്റങ്ങളെക്കുറിച്ച് അരുണിമ ജയൻ മനസ്സു തുറക്കുന്നു

- ഡെൽന സത്യരത്ന

മാറ്റങ്ങൾ വീട്ടിലും

അച്ഛൻ പി. ജയനാരായണനു ഞാൻ വനിത - മിസ് കേരളയായെന്നത് ഉൾക്കൊള്ളാൻ കുറച്ചു ദിവസങ്ങളെടുത്തു. ഒറ്റപ്പാലമാണ് എന്റെ നാട്. വീട്ടിലോ നാട്ടിലോ ആരും ഞാൻ ടൈറ്റിൽ നേടുമെന്നു കരുതിയിരുന്നേയില്ല.

അച്ഛൻ പ്രൈവറ്റ് കമ്പനിയിൽ റീജനൽ മാനേജറാണ്. അമ്മ വീട്ടുകാര്യങ്ങൾ ഭംഗിയായി നോക്കുന്നു. ചേച്ചി മലപ്പുറത്ത് ഫെഡറൽ ബാങ്കിലാണു ജോലി ചെയ്യുന്നത്.

സ്ലീവ്ലെസ് ഉടുപ്പ് ഇടുന്നതിനോടു പോലും യോജിപ്പില്ലാത്ത ഓൾഡ് സ്കൂളാണ് അച്ഛൻ, ഞാൻ മിസ് കേരളയ്ക്കു വേണ്ടി തയാറെടുക്കുമ്പോൾ അച്ഛൻ വീട്ടിലെത്തിയാൽ ഞാൻ ഒരിടത്തു പിടിച്ചിരുത്തും. അച്ഛന്റെയും അമ്മയുടെയും മുന്നിലായിരുന്നു റാംപ് വാക് പ്രാക്ടീസ്, രണ്ടാളും ചോദ്യങ്ങളും ചോദിക്കും.

വിശ്രമമില്ലാതെ ഫോൺ