രക്തസ്രാവത്തിന് പൈൽസ് മാത്രമല്ല കാരണം

സോഷ്യൽമീഡിയ വഴി പ്രചരിക്കുന്ന ആരോഗ്യ സംബന്ധമായ തെറ്റിധാരണകൾ അകറ്റാം. കൃത്യമായ വിശദീകരണങ്ങളുമായി ഡോ.ബി.പത്മകുമാർ പ്രിൻസിപ്പൽ, ഗവ. മെഡിക്കൽ കോളജ്, കൊല്ലം

-  ഡോ.ബി.പത്മകുമാർ പ്രിൻസിപ്പൽ, ഗവ. മെഡിക്കൽ കോളജ്, കൊല്ലം

ഏറെ തെറ്റിധരിക്കപ്പെടുന്ന രോഗമാണ് പൈൽസ്. മലദ്വാരത്തിലൂടെയുള്ള രക്തസ്രാവവും മറ്റു മലദ്വാര പ്രശ്നങ്ങളും കണ്ടാൽ പൈൽസ് ആണെന്നു സ്വയം ഉറപ്പിക്കുന്നവരും കുറവല്ല.

എന്നാൽ മലാശയ കാൻസറടക്കമുള്ള മറ്റു രോഗങ്ങളുടെ ലക്ഷണവുമാകാം ഇത്. സ്വന്തമായി രോഗനിർണയം നടത്താതെ അശാസ്ത്രീയ ചികിത്സകൾക്കു പുറകെ പോകാതെ വിദഗ്ധ ഡോക്ടറുടെ ഉപദേശം തേടുകയാണു വേണ്ടത്. പൈൽസിന് ശസ്ത്രക്രിയ അല്ലാതെ പുതിയ ചികിത്സാരീതികളും ലഭ്യമാണ്.