ലവ് യൂ മുത്തേ...ലവ് യൂ

കണ്ണൂർ സ്ക്വാഡ്, പദ്മിനി... സിനിമ ഇരുകയ്യും നീട്ടി സ്വീകരിച്ച സന്തോഷത്തിലാണ് സജിൻ ചെറുകയിൽ

- രൂപാ ദയാബ്ജി

മമ്മൂക്ക സ്ക്വാഡ് 

"കണ്ണൂർ സ്ക്വാഡ്' തിയറ്ററുകളിൽ വിജയം തീർക്കുമ്പോൾ ഏറ്റവും സന്തോഷിക്കുന്ന ആൾ ഞാനാകും. സംവിധായകൻ റോബിയെ മുൻപേ പരിചയമുണ്ട്. ഒരു പരസ്യത്തിൽ ഒന്നിച്ച് വർക് ചെയ്തിട്ടുണ്ട്. ഒരു പടം ചെയ്യുന്നു. അതിലൊരു വേഷം സജിനുണ്ട്. മമ്മൂക്കയാണു നായകൻ, നിനക്കു മമ്മൂക്കയുടെ കൂടെ സീൻ ഉണ്ട്. അതാണു റോബി ഫോണിൽ പറഞ്ഞത്. ആദ്യ ദിവസങ്ങളിൽ ഞാനും റോണിയും കൂടിയുള്ള സീനുകളാണു ഷൂട്ട് ചെയ്തത്. അങ്ങനെ ഒരു ദിവസം മമ്മൂക്ക വന്നു. പരിചയപ്പെട്ട നിമിഷം തന്നെ ഞാൻ അഭിനയിച്ച സിനിമകളെ കുറിച്ചൊക്കെ മമ്മൂക്ക ചോദിച്ചു. അതോടെ എന്റെ ടെൻഷൻ മാറി.

അന്തിക്കാടും സിനിമയും