புற்றுநோயால் பாதிக்கப்பட்ட குழந்தைகளுக்கு 100 சதவீதம் பராமரிப்பு கொடுக்க வேண்டும்!

குழந்தைகளுக்கு சாதாரண ஜூரம், சளி இருந்தாலே பெற்றோர் டென்ஷனாகிவிடுவார்கள்.

- 

ஆனால், அந்தக் குழந்தைக்கு புற்றுநோய் பாதிப்பு என்று தெரிய வந்தால், மொத்த குடும்பத்தினரும் நிலை குலைந்துவிடுவார்கள். புற்றுநோய் என்றாலே உயிருக்கு உத்தரவாதம் இல்லை என்று இருந்தாலும், முன்பே கண்டறிந்து சிகிச்சைப் பெற்று வந்தால், அதிலிருந்து முற்றிலும் குணமாகலாம், கட்டுப்பாட்டிலும் வைத்துக் கொள்ளலாம். ஆனால், போதிய வசதி இல்லாத காரணத்தால் குழந்தைக்கு அதற்கான சிகிச்சைகளை பெற்றோர்களால் கொடுக்க முடியாமல் போகலாம். அவர்களுக்கு ஊட்டச்சத்து குறைபாடு ஏற்படலாம். சில குழந்தைகள் பள்ளிக்குச் செல்வதையே தவிர்த்துவிடுவார்கள். இந்த நிலையில் உள்ள குழந்தைகளுக்கு மருத்துவம், சிகிச்சை பெற தங்க இடம், ஊட்டச்சத்துள்ள உணவுகள், மருத்துவ செலவுகள் என அனைத்தும் இலவசமாக செய்து தருகிறது 'கேன் கிட்ஸ் கிட்ஸ் கேன்' என்ற அமைப்பு. இதன் தென் மண்டல தலைமை அதிகாரியாக செயல்பட்டு வரும் லதாமணி அவர்கள் அமைப்பின் திட்டங்கள் மற்றும் செயல்பாடுகள் குறித்து விவரித்தார்.