கருணை நிறைந்த கிழங்கு!

கருணை கிழங்கில் நார்ச்சத்து, வைட்டமின் சி, வைட்டமின் பி, மாங்கனிஸ், பொட்டாசியம், இரும்புச் சத்து, ரைபோபிளவின் போன்ற சத்துகள் உள்ளன.

- சி. பன்னீர் செல்வம்.

கருணைக்கிழங்கில் இரண்டு வகைகள் உள்ளன. ஒன்று காரும் கருணை மற்றொன்று காராக் கருணை, காரும் கருணையினை பிடி கருணை என்றும் அழைப்பர்.

கருணை கிழங்கில் உள்ள சத்துகள் அனைத்தும் நமது உடலில் உள்ள பல்வேறு தேவைகளை பூர்த்தி செய்து நமது உடலின் வளர்ச்சிக்கு மற்றும் ஆரோக்கியத்திற்கும் உதவுகிறது.

நமது உடலில் செரிமானமானது சீராக இருந்தால் தான் நோய் தொற்றிலிருந்து நமது உடலை பாதுகாக்க முடியும். ஒரு சிலருக்கு சாப்பிடக்கூடிய உணவானது சரியாக செரிமான ஆகாமல் இருக்கும். இதன் காரணமாக மலச்சிக்கல் மற்றும் வாயு பிரச்சனைகள் ஏற்படுகின்றது. இந்த பிரச்சினை தீர்க்க இயற்கை தந்த உணவு வகைகளில் இந்த கருணைக்கிழங்கு செரிமானத்திற்கு ஏற்றது.

அதிக உடல் எடை பிரச்சினையால் அவதிப்படுபவர்களுக்கு இந்த கருணைக்கிழங்கு சிறந்த ஒரு உணவு.