കുട്ടികളെ സ്ക്കൂളിൽ അയയ്ക്കുമ്പോൾ

കുട്ടികളെ ടൈംടേബിൾ പാലിക്കാൻ ശീലിപ്പിക്കുക.

- സുമാ മാക്സിമിൻ

പുതിയൊരു അദ്ധ്യയനവർഷം ആരംഭിക്കുകയായി. കുട്ടികൾ വീണ്ടും അക്ഷരങ്ങളുടെ ലോകത്തേയ്ക്ക്. കുട്ടികൾ സ്കൂളിൽ പോകുമ്പോൾ അമ്മമാർ ശ്രദ്ധിക്കേണ്ട കാര്യങ്ങളെന്തൊക്കെയാണ്? ഇതാ 25 പ്രധാനപ്പെട്ട കാര്യങ്ങൾ.

പഠനം ബുദ്ധിമുട്ടുള്ള കാര്യമാണെന്ന് കുട്ടിക്ക് തോന്നാൻ ഇടനൽകാതിരിക്കുക. പഠനം അവർക്ക് ആഹ്ലാദകരമാക്കണം.

പഠിക്കാൻ ശാന്തമായ അന്തരീക്ഷം ഒരുക്കി ക്കൊടുക്കുക. എപ്പോഴും പഠിക്കൂ എന്നാവർത്തിച്ച് പറഞ്ഞ് കുട്ടിയുടെ മനസ്സ് മടുപ്പിക്കരുത്. പഠനം സന്തോഷകരമായ അനുഭവമാകണം.

ചെറിയ കുട്ടികൾക്ക് പഠനത്തിൽ അമ്മമാരുടെ സഹായം വേണ്ടിവരും. എന്നാൽ, ഏത് സമയവും കുട്ടിയുടെ കൂടെയിരുന്ന് ഞെക്കിപ്പഴുപ്പിക്കാൻ ശ്രമിക്കുന്നത് നല്ല പ്രവണതയല്ല. തുടർച്ചയായി പഠി പ്പിക്കാൻ ഇരിക്കുകയുമരുത്.

അവർക്ക് തനിയേ പഠിക്കാൻ സൗകര്യം നൽകുക. ഇടയ്ക്ക് കളിയും ചിരിയുമൊക്കെയാവാം.

പഠനത്തിന് പ്രായോഗികമായ ടൈംടേബിൾ തയ്യാറാക്കുക. പ്രവൃത്തിദിനത്തിനും അവധിദിനത്തിനും പ്രത്യേകമായിക്കൊള്ളട്ടെ.

കുട്ടികളെ ടൈംടേബിൾ പാലിക്കാൻ ശീലിപ്പിക്കുക.

കുട്ടികളെ പഠിപ്പിക്കുമ്പോൾ ദേഷ്യപ്പെടുകയോ, അടിക്കുകയോ അരുത്.