എന്താണ് കരിനാൾ, പ്രതിവിധിയെന്ത്?

ജ്യോതിഷ അറിവ്...

- ബൈജുരാജൻ

തമിഴ് പക്ഷപ്രകാരം ചില പ്രത്യേക നക്ഷത്രങ്ങൾ, രാശികൾ, വാരങ്ങൾ, തിഥികൾ എന്നിവയിൽ മൃതസംഭവിച്ചാൽ വീണ്ടും അധികം താമസിയാതെ വർഷമാസദിന (കുടുംബത്തിൽ മരണം സംഭവിക്കുമെന്ന് സൂചനയാകുന്നു) അതിനാൽ തമിഴ് പക്ഷപ്രകാരം ഓരോ മാസത്തിലും ചില തിയതികൾ കരിനാളായി നിശ്ചയിച്ചിട്ടുണ്ട്. ഇവയ്ക്കു ഒരു ശാസ്ത്രീയാടിസ്ഥാനം കാണുന്നില്ല. മുൻകാലങ്ങളിൽ തമിഴ്നാട് അടക്കി ഭരിച്ചിരുന്ന ചില രാജാക്കന്മാർക്ക് ദാരുണമായ അന്ത്യം സംഭവിച്ചതിന്റെ ദിനങ്ങളാണ്.

കരിനാളായി ആചരിക്കുന്നതെന്നു പഴയ ചിലർ പറയുന്നു. ഈ ദിവസങ്ങൾ ശുഭകർമ്മങ്ങക്ക് വർജ്ജ്യം എന്നാണ് പറയുന്നത്. മലയാളത്തിൽ ഇപ്രകാരം സ്ഥിരമായ നാളുകളല്ല കരിനാളായി എടുക്കുന്നത് ഒരു കുടുംബ ത്തിൽ ഏതെങ്കിലും വ്യക്തി മരിക്കുന്ന സമയത്തെ ഉദയരാശി സ്ഥിരരാശിയാകുക, ആ സമയത്തെ നാൾ ബലിനക്ഷത്രമാവുക, എന്നിങ്ങനെ വന്നാൽ ആ കുടുംബത്തിൽ വീണ്ടും മരണം ആവർത്തിക്കുമെന്നാണ് സൂചന.