கண்ணற்ற சூர்தாசரின் உள்ளத்தில் கண்ணன்

துளசிதாசர் பிறந்த அதே 16-ஆம் நூற்றாண் டில், சூர்தாசரும் பிறந்தார்.

- பொன்முகரியன்

சூர்தாசர், மதுரா -ஆக்ராவிற்கு மத்தியில் சிகி என்ற அழகிய கிராமத்தில், ஏழைக் குடும்பத்தில் பிறந்தார். இவர் பிறக்கும் பொழுதே பார்வையற்றவராக பிறந்ததால், இவர் குடும்பத்தில் உள்ளோர் இவரை சரியாக கவனிக்கவில்லை. அதனால், மனம் உடைந்த சூர்தாசர் வீட்டின் திண்ணையிலே அமர்ந்திருப்பார். சூனியத்தைப் போல வெறிச்சோடி கிடந்தது இவரது மனம். இவருக்கு குடும்பத்தில் உள்ளோர் உணவோ அல்லது மற்ற தேவைகளோ என எதையுமே கொடுக்க மாட்டார்கள். வீட்டில் உள்ள அனைவரும் உணவை உண்ட பின்பு, திண்ணையில் இருக்கும் சூர்தாசருக்கு, மிஞ்சிய உணவைத் தான் கொடுப்பார்கள்.