ஆன்மிக அதிசயங்கள்

திருவாரூரில் இருந்து மயிலாடுதுறை செல்லும் பாதையில் பூந்தோட்டம் அருகே உள்ள செதலப்பதி என்ற திருத்தலத்தில், மனித முகத்துடன் விநாயகர் உள்ளார். இந்த தலம் தசரதருக்கு ராமர் திதி கொடுத்த தலமாகும்.

- ஆர்.ஜெயலெட்சுமி

திருவாரூர் மாவட்டம் குடவாசலில் இருந்து நன்னிலம் செல்லும் பாதையில் உள்ள "ஸ்ரீ வாஞ்சியம்" திருத்தலத்தில் எமன், இறைவனுக்கு வாகனமாக உள்ளார்.

இது ஓர் ஆயுள் தோஷ பரிகாரத் தலமாகும். இங்குள்ள குளம், கங்கைக்குச் சமமாகும். எனவே இந்த குளம், 'குப்தகங்கை' என அழைக்கப்படுகிறது.

சிதம்பரம் கோயில் சிவகங்கைத் தீர்த்தக் கரை யில், "திருத்தொண்டத் தொகை ஸ்ரீச்சரம்" என்ற பெயரில் ஒன்பது லிங்கங்கள் உள்ளன. இந்த லிங்கங் களை ஒன்பது தொகையடியார்களாக எண்ணி வழிபடுகின்றனர்.