வைத்திய நிபுணர் மகேஷியின் விளக்கமறியல் காலம் நீடிப்பு

ஊழல் குற்றச்சாட்டுல் விளக்கமறியலில் வைக்கப்பட்டுள்ள ஸ்ரீ ஜெயவர்தனபுர வைத்தியசாலையின் விஷேட வைத்திய நிபுணர் வைத்தியர் மகேஷி விஜேரத்னவை எதிர் வரும் ஜூலை 15 ஆம் திகதி வரை விளக்க மறியலில் வைக்க கொழும்பு நீதிவான் நீதி மன்றம் நேற்று (ஜூலை 8) உத்தரவிட்டது.

- எம்.எப்.எம்.பஸீர்

எனினும் அவரோடு சேர்த்து இதுவரை விளக்கமறியலில் வைக்கப்பட்டிருந்த, குறித்த வைத்தியரின் சிகிச்சை பிரிவின் இலிகிதராக கே. இந்திகா மற்றும் வைத்தியர் நடத்தும் நிறுவனத்தின் ஊழியர் என்று கூறப்படும் நிமல் ரஞ்சித் முத்துக்குட ஆகிய இரு சந்தேக நபர்களையும் பிணையில் செல்ல நீதிமன்றம் அனுமதித்தது. தலா 25,000 ரூபாய் ரொக்கப் பிணையிலும், தலா 2 மில்லியன் ரூபா பெறுமதியான இரண்டு சரீர பிணைகளிலும் விடுவிக்க கொழும்பு பிரதான நீதிவான் தனுஜா லக்மாலி ஜயதுங்க இதன்போது உத்தரவிட்டார்.