‘தக்லைப்' ஐ ஓட வைப்பதற்குதமிழ் கன்னட சர்ச்சையை கிளப்பினாரா கமல்?

மணிரத்தினத்தின் இயக்கத்தில் நடிகர் கமலஹாசன், த்ரிஷா நடிப்பில் வெளிவந்திருக்கும் தக்லைப் படம் எதிர்பார்த்தளவு வரவேற்பை இன்னும் இரசிகர்கள் மத்தியில் பெறவில்லை என சுட்டிக்காட்டப்பட்டுள்ளது.

- -சி.சி.என்

இதில் வயோதிப தோற்றத்தில் கமல் ஹாசன் நடித்திருந்தாலும் கதையானது இந்தியன் பாணியில் அமைந்திருப்பதால் இதை இந்தியன் பகுதி மூன்று என சிலர் கிண்டலடித்து வருகின்றமை முக்கிய விடயம்.

இந்நிலையில் மேற்படி தக்லைப் படத்தின் Promotion நிகழ்வுகள் பல இடங்களில் இடம்பெற்று வந்தன. இப்படத்தின் இசை வெளியீட்டு நிகழ்வு இடம்பெற்றபோது அதில் கலந்து கொண்ட கமல், கன்னடம் தமிழ் மொழியிலிருந்து உருவானது என்ற சர்ச்சைக்குரிய கருத்தொன்றை பேசியிருந்தார்.

இந்த விவகாரம் பெரும் பூம்பத்தை உருவாக்கியது. கன்னட மொழி தனித்துவமானதொன்றும் எந்த வித ஆதாரங்களும் இன்றி கமலஹாசன் கூறிய கருத்துக்களுக்கு அவர் மன்னிப்பு கோர வேண்டும் என்றும், அவ்வாறு இல்லாவிடின் கர்நாடகா மற்றும் கோவாவில் அவரது தக்லைப் படத்தை திரையிட அனுமதிக்க மாட்டோம் என கன்னடர்கள் எதிர்ப்பை தெரிவித்தனர். இதையடுத்து நிலைமையை உணர்ந்து கொண்ட கர்நாடகா திரைப்பட வர்த்தக சபையானது கமலின் சகல படங்களுக்கும் தடை விதித்து விட்டது. இனி அவரின் எந்த படங்களும் கர்நாடகாவில் திரையிடப்படாது. அவ்வாறு திரையிடப்பட வேண்டுமெனில் கமலஹாசன் தனது கருத்து பிழை என மன்னிப்பு கோர வேண்டும் என்று கூறி விட்டது. கர்நாடகாவில் கமலஹாசனுக்கு இலட்சக்கணக்கான இரசிகர்கள் உள்ளனர். அவரும் பல கன்னடப் படங்களில் நடித்துள்ளார். ஆனால் அவர் கன்னட மொழி பற்றி பேசிய கருத்து அவர்கள் மனதை துன்புறுத்தி விட்டது.