బావని ఇమ్లీ

వాణిజ్యం పేరుతో భారతదేశంలో అడుగుపెట్టిన బ్రిటిష్ ఈస్ట్ ఇండియా కంపెనీ, క్రమంగా తన రాజకీయ, సైనిక శక్తిని విస్తరించి, 1857లో సిపాయిల తిరుగుబాటు తర్వాత ప్రత్యక్ష బ్రిటిష్ వలస పాలన (బ్రిటిష్ రాజ్) చేపట్టి 1947 వరకు కొనసాగించిన విషయం మనకు తెలిసిందే.

- - యేచన్ చంద్ర శేఖర్

వాణిజ్యం పేరుతో భారతదేశంలో అడుగుపెట్టిన బ్రిటిష్ ఈస్ట్ ఇండియా కంపెనీ, క్రమంగా తన రాజకీయ, సైనిక శక్తిని విస్తరించి, 1857లో సిపాయిల తిరుగుబాటు తర్వాత ప్రత్యక్ష బ్రిటిష్ వలస పాలన (బ్రిటిష్ రాజ్) చేపట్టి 1947 వరకు కొనసాగించిన విషయం మనకు తెలిసిందే. అయితే మాతృభూమి కోసం ఎల్లప్పుడూ అలవోకగా ప్రాణాలను సైతం త్యజించే ధైర్యవంతులైన నిస్వార్థ దేశభక్తులకు భారతదేశం నిలయం. అలాంటి త్యాగధనులలో కొందరికి చరిత్ర పుటల్లో స్థానం దక్కితే మరికొందరు అజ్ఞాతంగా మిగిలిపోయారు. బ్రిటిష్ వలస పాలకులు జరిపిన అమానవీయ దమనకాండలలో ఏప్రిల్ 9,1860న తెలంగాణ, నిర్మల్ జిల్లా సమీపంలోని ఒక మర్రిచెట్టుకు గిరిజన పోరాటయోధుడు రాంజీ గోండ్తో పాటు అతని సైన్యంలోని వెయ్యి మంది సైనికులను బంధించి ఉరితీయడం, జలియన్ వాలాబాగ్ నరమేధంలో కాల్పులు జరుపగా, అప్పటి ఆంగ్ల ప్రభుత్వ లెక్కల ప్రకారం 379 మంది మరణించినప్పటికీ అనధికార గణాంకాల ప్రకారం 1000కి పైగా మరణించడం, 2000 మందికి పైగా క్షతగాత్రులవడం, ఏప్రిల్ 28, 1858న ఉత్తరప్రదేశ్, ఫతేపూర్ జిల్లా ఖజువా పట్టణం, మొఘల్ రోడ్లోని చింతచెట్టుకు స్వాతంత్య్ర సమరయోధుడు జోధాసింగ్ అతయ్యతో పాటు 51 మందిని నిర్దాక్షిణ్యంగా ఉరితీసిన సంఘటనలు ఇప్పటికీ మన హృదయాలను కలచివేస్తాయి.

'బావనీ ఇమ్లీ' నేపథ్యం